(नवी दिल्ली)
भारतीय हवाई दलात (Indian Air Force) सामील होण्याचे स्वप्न पाहणाऱ्या तरुणांसाठी महत्वाची माहिती आहे. अग्निपथ (Agniveer) योजनेअंतर्गत अग्निवीर एअर इनटेक १/२०२६ साठी भरती प्रक्रिया सुरू करण्याची घोषणा वायुसेनेने केली आहे. याअंतर्गत, अर्ज प्रक्रिया ११ जुलै २०२५ पासून सुरू होईल आणि २५ सप्टेंबर २०२५ रोजी ऑनलाइन परीक्षा घेतली जाईल. इच्छुक उमेदवार agnipathvayu.cdac.in ला भेट देऊन अर्ज करू शकतात. या भरतीमध्ये फक्त तेच तरुण सहभागी होऊ शकतात. ज्यांचे वय १ जानेवारी २००५ ते १ जानेवारी २००८ दरम्यान आहे. म्हणजेच अर्जदाराचे किमान वय १७.५ वर्षे आणि कमाल २१ वर्षे असावे. नियमांनुसार काही श्रेणींना वयात सूट दिली जाईल.
शैक्षणिक पात्रता :
तीन प्रकारचे उमेदवार अर्ज करू शकतात. ज्यांनी बारावीमध्ये भौतिकशास्त्र, गणित आणि इंग्रजी विषयांमध्ये किमान ५०% गुण मिळवले आहेत. याशिवाय, ज्यांनी मेकॅनिकल, इलेक्ट्रिकल, इलेक्ट्रॉनिक्स, संगणक विज्ञान इत्यादी विषयांमध्ये तीन वर्षांचा अभियांत्रिकी डिप्लोमा केला आहे. तसेच त्यात ५० टक्के गुण आहेत. त्याच वेळी, ज्यांनी भौतिकशास्त्र आणि गणितासह दोन वर्षांचा व्यावसायिक अभ्यासक्रम केला आहे आणि इंग्रजीमध्येही ५०% गुण आहेत. असे विद्यार्थी अर्ज करू शकतात.
निवड :
अग्निवीर भारतीय वायु सेनेच्या भरती प्रक्रियेत, प्रथम ऑनलाइन लेखी परीक्षा घेतली जाईल. त्यानंतर शारीरिक तंदुरुस्ती चाचणी (PST/PET), कागदपत्र पडताळणी आणि नंतर वैद्यकीय परीक्षा होईल. या सर्व टप्प्यात यशस्वी झालेल्या उमेदवारांची गुणवत्ता यादी जाहीर केली जाईल.
पगार :
भारतीय अग्निवीर वायु सेनेत यांना पहिल्या वर्षी दरमहा ३०,००० रुपये पगार मिळेल, जो दरवर्षी वाढत जाईल. चौथ्या वर्षापर्यंत हा पगार दरमहा ४०,००० रुपयांपर्यंत पोहोचेल. याशिवाय, सेवा पूर्ण झाल्यावर, अग्निवीरांना सुमारे १०.०८ लाख रुपयांचा सेवा निधी करमुक्त दिला जाईल.
अर्ज :
- सर्वप्रथम agnipathvayu.cdac.in या वेबसाइटवर जा.
- “नवीन नोंदणी” लिंकवर क्लिक करा आणि आवश्यक माहिती भरून स्वतःची नोंदणी करा.
- लॉगिन करा आणि अर्ज भरा.
- पासपोर्ट आकाराचा फोटो, स्वाक्षरी इत्यादी आवश्यक कागदपत्रे अपलोड करा.
- अर्ज शुल्क भरा आणि फॉर्म सबमिट करा.
- भविष्यातील संदर्भासाठी फॉर्मची प्रिंटआउट सुरक्षितपणे ठेवा.
