(मुंबई)
महाराष्ट्र राज्य सामाईक प्रवेश परीक्षा कक्षामार्फत (CET Cell) शैक्षणिक वर्ष २०२५-२६ करीता विविध व्यावसायिक पदवी व पदव्युत्तर अभ्यासक्रमांच्या प्रवेशासाठी घेतलेल्या सामाईक प्रवेश परीक्षा (CETs) निकाल जाहीर करण्याची प्रक्रिया अंतिम टप्प्यात आहे. काही परीक्षांचे निकाल आधीच घोषित करण्यात आले आहेत, तर उर्वरित निकाल प्रक्रियाधीन असून लवकरच अधिकृत संकेतस्थळावर प्रसिद्ध होणार असल्याचे CET सेलने स्पष्ट केले आहे.
MHT CET 2025 निकाल जाहीर होण्याची शक्यता १६ जून रोजी
भौतिकशास्त्र, रसायनशास्त्र व जीवशास्त्र (PCB) तसेच भौतिकशास्त्र, रसायनशास्त्र व गणित (PCM) या गटांसाठीच्या MHT CET 2025 परीक्षांचे निकाल १६ जून २०२५ रोजी जाहीर होण्याची शक्यता आहे. ही माहिती CET सेलने त्यांच्या अधिकृत वेबसाइट https://cetcell.mahacet.org वर प्रसिद्ध केली आहे.
इतर व्यावसायिक अभ्यासक्रमांच्या CET निकालांच्या संभाव्य तारखा
| अभ्यासक्रम | निकालाची संभाव्य तारीख |
|---|---|
| B.BCA, BBA, BMS, BBM-CET | ४ जून २०२५ |
| ५ वर्षांचा LLB CET | ४ जून २०२५ |
| B.Design CET | ९ जून २०२५ पर्यंत |
| ३ वर्षांचा LLB CET | १७ जून २०२५ |
निकाल कसा पाहावा?
उमेदवारांनी खालील प्रमाणे CET निकाल तपासता येईल:
- अधिकृत वेबसाइटला भेट द्या: https://cetcell.mahacet.org
- होमपेजवर संबंधित अभ्यासक्रमाच्या CET निकालाची लिंक निवडा.
- लॉगिनसाठी आवश्यक क्रेडेन्शियल्स (जसे की अर्ज क्रमांक, पासवर्ड/जन्मतारीख) प्रविष्ट करा.
- ‘Submit’ वर क्लिक करा.
- स्क्रीनवर निकाल दिसेल. तो काळजीपूर्वक तपासा.
- निकालाची PDF प्रत डाउनलोड करा व भविष्यातील उपयोगासाठी प्रिंट घ्या.
उमेदवारांनी अधिकृत वेबसाइट नियमितपणे तपासावी आणि CET सेलकडून प्रसिद्ध होणाऱ्या अधिसूचनांकडे लक्ष द्यावे. प्रवेश प्रक्रिया, दस्तऐवज पडताळणी व काऊंसिलिंगबाबतची माहिती लवकरच स्वतंत्रपणे जाहीर करण्यात येणार आहे.
