(ओडिशा)
मध्यम पल्ल्याचे बॅलिस्टिक क्षेपणास्त्र ‘अग्नी-3’ ची चाचणी शुक्रवारी 06 फेब्रुवारी 2026 रोजी ओडिशा येथील चांदीपूर येथील एकात्मिक चाचणी केंद्रावरून यशस्वीरित्या करण्यात आली. या प्रक्षेपणामुळे सर्व कार्यात्मक आणि तांत्रिक मापदंडांची पडताळणी झाली. ही चाचणी सामरिक दल कमांडच्या देखरेखीखाली पार पडली, भारताने आपल्या संरक्षण क्षमतांचा विश्वास दाखवत ‘अग्नी-३’ इंटरमीडियट रेंज बॅलिस्टिक मिसाइल (IRBM) यशस्वीपणे प्रक्षिप्त केली आहे. एका सेकंदात ५ किलोमीटर अंतर कापण्याची क्षमता असलेले ‘अग्नी-३’ क्षेपणास्त्र आशिया खंडातील सामरिक संतुलन भारताच्या बाजूने झुकविण्यात महत्त्वाचे ठरले आहे.
स्ट्रॅटेजिक फोर्सेस कमांडच्या देखरेखीखाली यशस्वी चाचणी
संरक्षण मंत्रालय आणि DRDO यांनी या चाचणीच्या यशाची पुष्टी केली आहे. भारतीय लष्कराच्या ‘स्ट्रॅटेजिक फोर्सेस कमांड’ (SFC) अंतर्गत पार पडलेल्या या चाचणीत क्षेपणास्त्राने आपले सर्व तांत्रिक आणि कार्यात्मक निकष अचूकपणे पूर्ण केले. यामुळे भारताची ‘परमाणु त्रयी’ – जमीन, हवा आणि समुद्रातून अण्वस्त्र हल्ला करण्याची क्षमता – अधिक बलवान झाली आहे.
अग्नी-३ ची खास वैशिष्ट्ये:
- वेग: मॅक १५, म्हणजेच एका सेकंदात ५-६ किलोमीटर अंतर कापण्याची क्षमता.
- पल्ला: ३००० ते ३५०० किलोमीटर, आवश्यक असल्यास वाढवण्याची क्षमता.
- वजन व आकार: ४८-५० टन वजन, १७ मीटर लांबी.
- पेलोड: १.५ टन पर्यंत अण्वस्त्रे वाहून नेण्यास सक्षम.
- अचूकता: रिंग लेझर जायरोस्कोप नेव्हिगेशन प्रणालीद्वारे उच्च अचूकता.
- विशेष तंत्रज्ञान: उड्डाणादरम्यान दिशा बदलण्याची क्षमता, एकाच वेळी अनेक लक्ष्यांवर हल्ला (MIRV).
अग्नी मालिका: भारताचे सामरिक ‘ब्रह्मास्त्र’
- अग्नी-१: ७०० किमी
- अग्नी-२: २००० किमी
- अग्नी-३: ३०००-३५०० किमी
- अग्नी-४: ४००० किमी
- अग्नी-५: ५०००+ किमी (आंतरखंडीय)
चीन आणि पाकिस्तानसाठी स्पष्ट संदेश
अग्नी-३ च्या पल्ल्यात पाकिस्तान आणि चीनच्या प्रमुख भूभागांचा समावेश आहे. संरक्षण तज्ज्ञांच्या मते, भारताने ही यशस्वी चाचणी करून शत्रूंना स्पष्ट इशारा दिला आहे की, सीमांकडे दुर्लक्ष केल्यास गंभीर परिणाम होऊ शकतात. प्रादेशिक शांतता आणि राष्ट्रीय सुरक्षा दृढ करण्यासाठी हे ‘डिटरन्स’ महत्त्वाचे ठरले आहे.
