(देवळे / प्रकाश चाळके)
संगमेश्वर तालुका विज्ञान प्रदर्शनात प्राथमिक दिव्यांग 6 ते 8 एस. एन. कानडे आयडियल हायस्कूल देवळेच्या कु.ध्रुवी नामदेव बागवे हिने प्रथम क्रमांक पटकावला. ध्रुवी बागवे हिने अंध व्यक्तींसाठी उपयुक्त अशी टोपी बनवली आहे. अंध व्यक्तींना चालताना, गर्दीतून वाट काढताना, जिना चढताना, उतरताना मोठी अडचण होत असते. त्या अडचणीवर मात करण्यासाठी नवीन तंत्रज्ञान वापरून ध्रुवी बागवे हिने टोपी बनवली आहे.
टोपी चे कार्य
ही टोपी सतत समोरच्या वस्तू तपसात असते. ठराविक अंतरावर अडथळा आल्यास टोपीत असलेल्या सेन्सरला समजते. टोपी मधील स्पीकर बीप असा आवाज करतो व व्हायब्रेशन करतो. त्यामुळे अंध व्यक्तीला ते कळते व तो दिशा बदलतो. या टोपीमुळे अंध व्यक्ती रस्त्यावरून सुरक्षित चालू शकते. काठीशिवाय अडथळे पार करू शकते. गर्दीत अपघात टाळता येतात. अंध व्यक्तीचे स्वावलंबी होते.
विज्ञानाचा वापर करून आपण समाजातील दुर्बल व्यक्तींची चांगल्या प्रकारे मदत करू शकतो, हा उद्देश या टोपी बनवण्यातून असल्याचे ध्रुवी नामदेव बागवे हिने सांगितले.
