तामिळनाडूच्या पंबनजवळील समुद्रात किनाऱ्यालगत एका मच्छिमाराच्या जाळ्यात दुर्मिळ आणि रहस्यमय मासा “Doomsday Fish” सापडला गेला आहे. जपानी पौराणिक कथांनुसार, या माशाचे किनाऱ्याजवळ पाण्याच्या पृष्ठभागावर दिसणे मोठ्या नैसर्गिक आपत्तींचे संकेत मानले जाते.
रविवारी रामेश्वरम मासेमारी बंदरातून निघालेल्या मच्छीमारांना मन्नारच्या आखाताजवळ मासे पकडतानाच हा विचित्र, पातळ आणि चमकदार मासा सापडला. अंदाजे ६ किलो वजनाचा हा मासा मूळतः “ओअर फिश” म्हणून ओळखला जातो, हा खोल पाण्यात राहतो आणि क्वचितच मच्छीमारांच्या जाळ्यात अडकतो.
जपानी मान्यतानुसार, या माशाचे दर्शन मोठा भूकंप, त्सुनामी किंवा इतर प्रलयकारी नैसर्गिक आपत्तींचा संकेत असतात. जपानसह अनेक किनारी देशांमध्ये समुद्रकिनाऱ्यावर हा मासा दिसल्यास प्रशासन सावध होते. दरम्यान, तामिळनाडूत सापडलेल्या या “Doomsday Fish” ने भविष्यात मोठी आपत्ती येणार असल्याचे हे संकेत असल्यामुळे देशभरात चिंता निर्माण झाली आहे.
हा मासा प्रामुख्याने अतिखोल पाण्यात राहतो, साधारण २०० ते १,००० मीटर खोलवर तो आढळतो, आणि क्वचितच मच्छीमारांच्या जाळ्यात किंवा किनाऱ्यावर सापडतो. डुम्सडे फिशचा लांब, पातळ आणि सपाट शरीर असतो, तसेच त्याच्या शरीरावर लांब पंखासारखी फिन्स असतात. त्याचा रंग सरसकट जांभळट-रक्तसर किंवा हलक्या चांदीसर रंगाचा असतो, आणि तो खोल पाण्यात हलणाऱ्या प्रकाशात चमकदार दिसतो.
हा मासा प्रामुख्याने ओअर फिश म्हणून ओळखला जातो, पण जपानी पौराण्यांमध्ये त्याला “डुम्सडे फिश” म्हणून प्रसिद्धी मिळाली आहे. जपानी लोकांचा विश्वास आहे की या माशाचे किनाऱ्यालगत आणि पाण्याच्या पृष्ठभागावर दिसणे भूकंप, त्सुनामी किंवा इतर प्रलयकारी नैसर्गिक आपत्तींचे पूर्वसूचक असते. म्हणूनच हा मासा मोठ्या विनाशाचे प्रतीक मानला जातो. यामुळे भविष्यात नैसर्गिक आपत्ती जवळ आलेली आहे असे मानले जाते.
डुम्सडे फिशचा आकार खूपच मोठा असतो; साधारण २ ते ८ मीटर लांब असतो आणि काही अपवादात्मक वेळा ११ मीटरपर्यंत वाढलेला आढळतो. हा मासा नेहमी एकटाच आढळतो आणि त्याच्या नैसर्गिक जीवनावस्थेबद्दल शास्त्रीय माहिती तुलनेने कमी आहे. डुम्सडे फिशचे दर्शन रहस्यमय आणि थरारक मानले जाते.
