( चिपळूण )
खेड दौऱ्यावर असताना मत्स्यव्यवसाय आणि बंदरे विकास मंत्री ना. नितेश राणे यांनी माणुसकीचे दर्शन घडवले. चिपळूण-गुहागर बायपास रस्त्यावर झालेल्या दुचाकी अपघातस्थळी त्यांनी स्वतः ताफा थांबवून अपघातग्रस्ताच्या मदतीसाठी तत्परता दाखवली.
अपघातात एक दुचाकीस्वार गंभीर जखमी अवस्थेत रस्त्यावर पडलेला होता. हा प्रसंग पाहताच ना. राणे यांनी आपल्या ताफ्याला थांबवले. त्यांनी त्वरित घटनास्थळी जाऊन मदत केली तसेच रुग्णवाहिका बोलावून जखमीला रुग्णालयात हलविण्याची व्यवस्था केली. पुढे योग्य उपचार सुरू होतील, याची त्यांनी स्वतः खात्री केली.
मंत्रीपदाची जबाबदारी मोठी असली तरी माणूस म्हणून संवेदनशीलता आणि कर्तव्यभावना तितकीच महत्त्वाची आहे, याचे उदाहरण या घटनेतून ना. नितेश राणे यांनी दाखवून दिले. त्यांच्या या कृतीचे स्थानिकांनी कौतुक केले.
