(मुंबई)
तुम्ही जर घरी डिलिव्हरी मागवत असाल, कोणाला पार्सल पाठवत असाल किंवा पत्र लिहित असाल, तर ही बातमी तुमच्यासाठी महत्त्वाची आहे. भारतीय पोस्टाने ‘डिजिपिन’ (DigiPIN) नावाची क्रांतिकारी सेवा सुरू केली आहे, जी तुमच्या अचूक लोकेशनवर आधारित डिजिटल पिन कोड तयार करेल. यामुळे तुमचे कुरिअर किंवा पार्सल अगदी नेमक्या पत्त्यावर पोहोचणे शक्य होणार आहे, अगदी पारंपरिक पिन कोडशिवाय!
डिजिपिन म्हणजे काय?
भारतीय डाक सेवा आता डिजिटल युगाशी पूर्णपणे सुसंगत होत आहे. इंडिया पोस्टने सुरू केलेली ही DigiPIN सेवा, तुमच्या घराच्या किंवा कार्यालयाच्या स्थाननिर्देशांकांवर (GPS Coordinates) आधारित १० अंकी अल्फान्यूमेरिक कोड तयार करते. हा कोड पूर्णपणे युनिक असतो आणि तो तुम्हाला एका विशिष्ट लोकेशनसाठीच दिला जातो.
डिजिपिनचे फायदे काय आहेत?
-
✅ अचूक डिलिव्हरी: पारंपरिक पत्त्यांमधील गोंधळ, चुकीचा पिन कोड किंवा अस्पष्ट पत्ता यामुळे होणाऱ्या त्रुटी टाळल्या जातील.
-
🚑 आपत्कालीन सेवांसाठी उपयुक्त: रुग्णवाहिका, पोलीस किंवा अग्निशमन दलाला डिजिपिन शेअर करून तुम्ही तुमचं अचूक स्थान दाखवू शकता.
-
📦 लॉजिस्टिक्स व कॅब बुकिंग: डिलिव्हरी एजंट्स किंवा कॅब ड्रायव्हर्सना तुमचं स्थान अचूक कळेल.
-
📍 पिन कोडपेक्षा अधिक अचूक: 4×4 मीटर ग्रिडवर आधारित असल्याने प्रत्येक डिजिपिन फारच बारीक पातळीवर स्थान दर्शवतो.
डिजिपिन कसा मिळवायचा?
तुमचं डिजिपिन मिळवण्यासाठी फक्त काही सोप्या स्टेप्स फॉलो करा:
-
https://dac.indiapost.gov.in/mydigipin/home या इंडिया पोस्टच्या अधिकृत वेबसाइटला भेट द्या.
-
तुमच्या डिव्हाइसला लोकेशन अ‍ॅक्सेसची परवानगी द्या.
-
सिस्टम तुमच्या लोकेशन को-ऑर्डिनेट्स वाचून तात्काळ एक 10-अंकी डिजिपिन जनरेट करेल.
-
हा डिजिपिन सेव्ह करा आणि नंतर कुठल्याही सेवेसाठी वापरू शकता — कुरिअर, इमर्जन्सी सेवा, कॅब, इ.
पिन कोडचा भविष्यकाळ “डिजिपिन”
ही सेवा IIT हैदराबाद, ISRO आणि NRSC यांच्या सहकार्याने विकसित करण्यात आली आहे. 4×4 मीटरच्या अत्यंत बारीक ग्रिडमध्ये देशाचे विभाजन करून त्यावर आधारित अद्वितीय कोड तयार करण्यात आले आहेत. परिणामी, पारंपरिक पिन कोडपेक्षा डिजिपिन अधिक अचूक, उपयोगी आणि भविष्याभिमुख ठरतो.
