(नवी दिल्ली)
उपमुख्यमंत्री अजित पवार यांच्या चार्टर विमानाशी संबंधित अपघातानंतर नागरी विमान वाहतूक महासंचालनालयाने नागरी विमान वाहतूक महासंचालनालय (DGCA) देशातील चार्टर विमान कंपन्यांचे ‘स्पेशल ऑडिट’ करण्याचा महत्त्वाचा निर्णय घेतला आहे. मात्र, या विशेष तपासणीत अपघातग्रस्त विमानाची मालकी असलेल्या VRS Venture या कंपनीचा समावेश नसल्याने चर्चेला उधाण आले आहे.
Ajit Pawar charter plane incident देशभरात चर्चेत असतानाच DGCA ने चार्टर विमान सेवांच्या सुरक्षिततेचा सखोल आढावा घेण्याचा निर्णय जाहीर केला. पहिल्या टप्प्यात १४ प्रमुख चार्टर विमान कंपन्यांचे विशेष ऑडिट होणार असून, विमानांची तांत्रिक स्थिती, देखभाल पद्धती, इंजिन तपासणी, सुरक्षा मानके आणि नियमित तांत्रिक तपासण्या या मुद्द्यांवर लक्ष केंद्रित केले जाणार आहे.
मात्र, ज्या कंपनीच्या विमानाशी संबंधित अपघातानंतर ही प्रक्रिया सुरू झाली, तीच कंपनी या यादीत नसल्याने पारदर्शकतेबाबत प्रश्न उपस्थित होत आहेत. अपघातानंतर सुरक्षेच्या दृष्टीने सर्वप्रथम संबंधित कंपनीची तपासणी अपेक्षित असते. असे असतानाही VRS Venture वगळण्यात आल्याने निर्णयावर टीका होत आहे.
DGCA ने या Special Audit साठी स्वतंत्र पथक स्थापन केले असून, २५ फेब्रुवारीपर्यंत तपासणी अहवाल सादर करण्याचे आदेश देण्यात आले आहेत. अहवालानंतर चार्टर विमान कंपन्यांच्या सुरक्षा मानकांबाबत पुढील कारवाई ठरवली जाणार आहे.
Ajit Pawar charter aircraft incident मुळे देशातील चार्टर विमान सेवांच्या सुरक्षिततेवर पुन्हा एकदा प्रश्न उपस्थित झाले आहेत. या पार्श्वभूमीवर DGCA ची भूमिका, तसेच VRS Venture ला ऑडिटमधून वगळण्यामागील कारणे काय, याकडे आता सर्वांचे लक्ष लागले आहे. आगामी अहवालातून याबाबत स्पष्टता येण्याची शक्यता आहे.
