29 महानगरपालिकांच्या महापौरपदाचे आरक्षण जाहीर: 15 ठिकाणी महिला महापौर, मुंबईत खुला महिला प्रवर्ग

(मुंबई)

राज्यातील 29 महानगरपालिकांच्या महापौरपदासाठीचे आरक्षण आज जाहीर करण्यात आले. मंत्रालयात झालेल्या आरक्षण सोडतीला नगरविकास राज्यमंत्री माधुरी मिसाळ उपस्थित होत्या. या सोडतीत सर्व प्रमुख राजकीय पक्षांचे प्रतिनिधी सहभागी झाले होते. भाजपकडून महामंत्री राजेश शिरवडकर, ठाकरे गटाकडून मुंबईच्या माजी महापौर किशोरी पेडणेकर व आमदार मनोज जामसुतकर, तर राष्ट्रवादी काँग्रेस (अजित पवार गट) कडून आनंद परांजपे उपस्थित होते.

50 टक्के महिला आरक्षण लागू
महापौरपदासाठी 50 टक्के महिला आरक्षणाचा नियम लागू करण्यात आल्याने राज्यातील 15 महानगरपालिकांमध्ये महिला महापौर असणार आहेत. उर्वरित 14 ठिकाणी सर्वसाधारण प्रवर्गाला संधी मिळणार आहे.

महिला आरक्षणांतर्गत
अनुसूचित जाती महिला – 2 महापालिका
ओबीसी महिला – 4 महापालिका
खुला महिला प्रवर्ग – 9 महापालिका

राज्यातील 29 महानगरपालिकांसाठी 15 जानेवारीला मतदान झाले होते, तर 16 जानेवारीला मतमोजणी पार पडली होती. त्यानंतर आज महापौरपदाचे आरक्षण निश्चित झाले आहे. ही सोडत 2011 च्या जनगणनेच्या आधारे आणि चक्राकार पद्धतीने काढण्यात आली.

प्रवर्गनिहाय महापौर आरक्षण
अनुसूचित जमाती (ST) – 1
अनुसूचित जाती (SC) – 3
ओबीसी – 8
सर्वसाधारण – 17

कुठे कोणत्या प्रवर्गाचा महापौर?
अनुसूचित जमाती (ST): कल्याण-डोंबिवली

अनुसूचित जाती (SC):
ठाणे
जालना – महिला
लातूर – महिला

ओबीसी:
पनवेल
उल्हासनगर
जळगाव – महिला
अहिल्यानगर – महिला
अकोला – महिला
चंद्रपूर – महिला
कोल्हापूर
इचलकरंजी

सर्वसाधारण प्रवर्ग:
मुंबई – महिला
नवी मुंबई – महिला
वसई-विरार
मीरा-भाईंदर – महिला
सांगली-मिरज-कुपवाड
सोलापूर
नागपूर – महिला
अमरावती – महिला
नाशिक – महिला
मालेगाव – महिला
धुळे – महिला
छत्रपती संभाजीनगर
नांदेड-वाघाळा – महिला
परभणी
पुणे – महिला
पिंपरी-चिंचवड – महिला
भिवंडी-निजामपूर – महिला
आज जाहीर झालेल्या आरक्षणामुळे अनेक महानगरपालिकांतील राजकीय समीकरणे बदलणार असून, नव्या चेहऱ्यांना नेतृत्वाची संधी मिळणार आहे. महिला नेतृत्वाला मिळालेल्या वाढीव संधीमुळे स्थानिक स्वराज्य संस्थांच्या राजकारणात नवा अध्याय सुरू झाल्याचे चित्र आहे.

सर्व 29 महापालिकांपैकी कोणत्या मनपात कोणत्या प्रवर्गाचा महापौर?