( दापोली )
दापोली तालुक्यातील केळशी किनारा मोहल्ला येथे पोलिसांनी मोठी कारवाई करत सुमारे चार लाख रुपयांचा अमली पदार्थ जप्त केला आहे. आरोपी अबार इस्माईल डायली (वय ३२) यांच्या राहत्या घरामागील पडवीत हा साठा आढळून आला.
पोलिसांच्या माहितीनुसार, लाल-सोनसळी रंगाच्या प्लास्टिकमध्ये वेस्टर्न असलेली पॅकेजेस सापडली. आत हिरव्या वेष्टनात तपकिरी रंगाचा वास येणारा ९९८ ग्रॅम चरस प्लास्टिक रॅपरमध्ये गुंडाळलेला होता. लाल रंगाच्या वेष्टनावर “6 GOLD” असे इंग्रजीत, तसेच कोरियन भाषेत काही मजकूर लिहिलेला होता. हे सर्व साहित्य पांढऱ्या कापडी पिशवीत ठेवलेले होते.
ही कारवाई पोलीस निरीक्षक महेश तोरसकर यांच्या मार्गदर्शनाखाली करण्यात आली. त्यासाठी पीएसआय यादव, पीएसआय पाटील, हेडकॉन्स्टेबल मोहिते, ढोले तसेच कॉन्स्टेबल भांडे, टेमकर, दिंडे व एलपीसी पाटेकर यांनी विशेष भूमिका बजावली.
