(संगमेश्वर / एजाज पटेल)
मुंबई – गोवा राष्ट्रीय महामार्गावर संगमेश्वरपासून काही अंतरावर असलेल्या सह्याद्री पॅलेस समोर अशोक लेलँड टेम्पो आणि दुचाकी च्या झालेल्या अपघातात दुचाकीस्वार दिनेश गजानन पांचाळ (रा. कोळंबे, संगमेश्वर ) यांना मार लागला असून संगमेश्वर ग्रामीण रुग्णालयात त्यांना दाखल करण्यात आले आहे. त्यांच्यावर प्राथमिक उपचार केले जात असून अधिक उपचारासाठी जिल्हा शासकीय रुग्णालयात जाण्याचा सल्ला येथील डॉक्टरांनी दिला आहे. अपघाताची भीषणता पाहता दुचाकीस्वाराचे नशीब बलवत्तर आहे असे महामार्गावरून येणाऱ्या जाणाऱ्या प्रवाशांच्या तोंडून शब्द निघत आहेत.
दीपक कृष्णा सुतार वय वर्ष 30 रा. कोल्हापूर हा तावडे ट्रान्सपोर्ट च्या अशोक लेलँड गाडी क्रमांक MH 9 EM/4478 टेम्पो घेऊन मुंबई -गोवा राष्ट्रीय माहामार्गावरून संगमेश्वर ते शास्त्रीपुल असे जात असताना सहयाद्री पॅलेस समोर त्याच्या गाडी समोर संगमेश्वर च्या दिशेने येणारी दुचाकी जोरात येऊन धडकली.
दुचाकीस्वार दिनेश गजानन पांचाळ (रा.कोळंबे तालुका, संगमेश्वर) हे चिपळूण एसटी आगारात वाहक म्हणुन काम करतात, ते MH 08B/D 7960 दुचाकी घेऊन काही कामानिमित्त चिपळूण ते संगमेश्वर येत असताना त्यांना चक्कर आल्याने दुचाकीवरील त्यांचा ताबा सुटूल्याने त्यांची दुचाकी थेट समोरून येणाऱ्या टेम्पो धडकली. एवढेच नाही तर दुचाकीचा काही भाग टेम्पोच्या पुढच्या चाकाखाली आला होता. तर दुचाकीवरील सामान, व हेल्मेट रास्त्यावर पढले होते.
अपघातग्रस्त दुचाकीस्वार दिनेश पांचाळ यांना तेथून अगदी हाकेच्या अंतरावर असलेल्या संगमेश्वर ग्रामीण रुग्णालयात दाखल करण्यात आले. तेथे त्यांच्यावर प्राथमिक उपचार करून अधिक उपचारासाठी जिल्हा रुग्णालयात पाठवण्यात आले. हा अपघात शनिवारी दुपारी 2 वाजताच्या सुमारास घडला अपघाताची माहिती मिळताच संगमेश्वर पोलीस ठाण्याचे पोलीस हेड कॉन्स्टेबल सासवे यांनी अपघातस्थळी दाखल होत. महामार्गाच्या दोन्ही बाजूला दूरअंतरापर्यंत खोळंबलेली वाहन वर्दळ सुरळीत केली.
टेम्पो च्या चाकखाली दुचाकी गेल्याचे दृश्य पाहता दुचाकीस्वराचे सुदैवच म्हणावे लागेल… त्याचे नशीब बलवत्तर म्हणावे लागेल असेच महामार्गांवरून येणाऱ्या जाणाऱ्यांच्या तोंडून शब्द निघत होते.
