(खेड)
रत्नागिरी जिल्हा परिषदेच्यावतीने ‘जाणू विज्ञान, अनभवू विज्ञान’ या उपक्रमाअंतर्गत घेण्यात येणाऱ्या नासा व इस्रो निवड परीक्षेत खेड तालुक्यातून सवेणी नं.1 ता.खेड शाळेतील कु.यशस्वी प्रदिप चव्हाण आणि कु.आदिती नागेश पवार यांची नासा (अमेरिका,अंतराळ संशोधन केंद्र) दौरा व इस्रो बेंगलोर आणि श्रीहरी कोटा संशोधन केंद्र) दौऱ्यासाठी निवड झाली.तसेच कु.हर्षद लव कोंडळकर याची इस्रो (बेंगलोर आणि श्रीहरी कोटा संशोधन केंद्र)) दौऱ्यासाठी निवड झाली. खेड तालुक्यातून एकूण 6 मुलांची निवड करण्यात आली.त्यामध्ये खेड तालुक्यातील या एकाच शाळेतील दोन मुलांची अमेरिका दौऱ्यासाठी निवड झाली आहे आणि इस्रोसाठी एका मुलाची निवड झाली.यामुळे ही बाब खेड तालुका आणि सवेणी नं.1 शाळेच्या अभिमानाची गोष्ट ठरली आहे.अवघ्या 13 व्या वर्षी अमेरिकेला जाण्याचं भाग्य मुलांच्या मेहनतीने त्यांना मिळाले.याचे सर्वत्र कौतुक होत आहे.
या तीन ही मुलांना विज्ञान शिक्षक श्री.एकनाथ पाटील सर, श्री.गणोजी माने सर, सौ.स्मिता शिंदे मॅडम,श्री.अजय म्हादे सर यांचे मार्गदर्शन लाभले.यासाठी मुख्याध्यापक श्री.गोपाळ जाधव सर यांची प्रेरणा मिळाली. शाळा व्यवस्थापन अध्यक्षा सौ.रश्मी गुजर, शिक्षणप्रेमी श्री.विजय निकम आणि श्री.युवराज गुजर यांनी शाळेत जाऊन मुलांचे अभिनंदन केले.
या यशाबद्दल तालुक्याचे गटशिक्षणाधिकारी श्री.बाईत, विस्तार अधिकारी श्री.भोसले आणि हेदली केंद्राचे केंद्रप्रमुख श्री.राठोड यांनी सर्व मुलांचे आणि शिक्षकांचे विशेष अभिनंदन केले.
