(संगमेश्वर / प्रतिनिधी)
जिल्हा क्रीडा कार्यालय,रत्नागिरी येथे पार पडलेल्या जिल्हास्तरीय वेट लिफ्टिंग स्पर्धेत भाईशा घोसाळकर हायस्कूल व ज्युनिअर कॉलेजच्या विद्यार्थ्यांनी विविध वजनी गटात यश संपादन केले.
६१ किलो वजनी गटात आकाश पाले याने प्रथम क्रमांक, ६४ किलो वजनी गटात प्रतीक्षा उजगावकर हिने प्रथम क्रमांक, ४९ किलो वजनी गटात जान्हवी कांबळे प्रथम क्रमांक तर ५५ किलो वजनी गटात तन्वी किंजळकर द्वितीय क्रमांक व ८१ किलो वजनी गटात समर्थ मेस्त्री द्वितीय क्रमांक. प्रथम क्रमांक पटकावणाऱ्या विद्यार्थ्यांची विभागीय स्पर्धेसाठी निवड झाली आहे. या विद्यार्थ्यांना क्रीडा शिक्षक संतोष साळुंखे, तानाजी दोरखडे, शुभम शिंदे, भाग्यदेवी सावंत यांचे मार्गदर्शन लाभले.
विद्यार्थ्यांच्या यशाबद्दल पंचक्रोशी शिक्षण मंडळ,कडवईचे अध्यक्ष चंद्रकांत यळगुडकर,सचिव वसंत उजगावकर,मुख्याध्यापक शेषेराव अवघडे यांनी अभिनंदन करून पुढील वाटचालीसाठी शुभेच्छा दिल्या.
