(मुंबई / रामदास गमरे)
बौद्धजन पंचायत समिती संलग्न विवाह मंडळ यांच्या संयुक्त विद्यमाने सालाबादप्रमाणे याही वर्षी बौद्ध धर्मीय वधू-वर परिचय मेळावा सरसेनानी आनंदराज आंबेडकर यांच्या अध्यक्षतेखाली रविवार दि. २ नोव्हेंबर २०२५ रोजी सकाळी १०:०० ते ४:०० या वेळेत डॉ. बाबासाहेब आंबेडकर स्मारक सभागृह, भोईवाडा, परेल, मुंबई – १२ येथे आयोजित करण्यात येत आहे.
सदर वधू वर परिचय मेळाव्याचे उद्घाटन कार्याध्यक्ष लक्ष्मण भगत यांच्या शुभहस्ते होणार असून उपसभापती विनोद मोरे व माजी कार्याध्यक्ष किशोर मोरे उपस्थितीत विवाहोच्छुक तरुण तरुणी व त्यांच्या पालकांना मार्गदर्शन करणार आहेत. सदर कार्यक्रमाचे सूत्रसंचालनाची धुरा सरचिटणीस राजेश घाडगे सांभाळणार असून विवाह मंडळ अध्यक्ष राजाभाऊ तथा रामदास धो. गमरे प्रास्ताविक सादर करतील तसेच विवाह मंडळ चिटणीस गौतम जानू जाधव आभार प्रदर्शन करतील.
सदर प्रसंगी उपकार्याध्यक्ष अशोक कांबळे (कणगोलकर), एच. आर. पवार (धामणकर), मनोहर मोरे, चंद्रमणी तांबे, अंकुश सकपाळ, खजिनदार नागसेन गमरे यांची प्रमुख उपस्थिती लाभणार आहे. तरी आपल्या बौद्ध समाजातील विवाहोच्छुक तरुण तरुणींनी बौद्धजन पंचायत समितीच्या (परिचय मंडळाकडे) नाव नोंदणी करावी, नवीन सभासद शुल्क रु. ५०० आकारण्यात येईल तरी समाजातील विवाहोच्छुक तरुण तरुणींनी या संधीचा फायदा घेत रविवार दि. २ नोव्हेंबर २०२५ रोजी सकाळी १०:०० ते ४:०० यावेळेत उपस्थित रहावे अशी विनंती बौद्धजन पंचायत समितीच्या वतीने काढण्यात आलेल्या परिपत्रकात केली आहे.
