(संगमेश्वर / मकरंद सुर्वे)
स्त्री ही जन्मदाता, पालनहार, मार्गदर्शक आणि प्रेरणेचा स्रोत आहे. ती संकटात अधिक खंबीरपणे उभी राहते आणि आपल्या सामर्थ्याने समाजाला मार्गदर्शन करते. यंदाच्या उत्सवात स्त्रीच्या धैर्याचा, शौर्याचा, अस्मितेचा आणि जाणीवेचा आदर करण्याची संधी आहे.
संगमेश्वर नावडी ग्रामपंचायतीत आज काही महिला सफाई कर्मचार्यांचा विशेष सन्मान करण्यात आला. या महिलांनी गावाच्या स्वच्छतेसाठी सातत्याने आणि जबाबदारीने काम केले आहे, ज्यामुळे नागरिकांना सुरक्षित आणि आरोग्यपूर्ण वातावरण लाभले आहे.
सन्मान सोहळ्यात या महिला कर्मचार्यांना प्रथम श्रीफळ आणि पुष्पगुच्छ देऊन सन्मानित करण्यात आले. त्यानंतर त्यांना लागणारे साहित्य वितरित करण्यात आले, ज्यामध्ये दोन साड्या, मास्क, डेडॉल बाटली, हँडग्लोव्ह्ज, कॅकक्रीम, डेडॉल साबण, आणि दोन लांब झाडू यांचा समावेश होता.
साहित्य देण्यामध्ये स्थानिक योगदान करणाऱ्यांमध्ये जैनब फॅब्रीकेटर्सचे मालक फरिद धामस्कर आणि लाईक अली, सौ. पाथरे वहिनी, सौ. भिडे वहिनी, रविंद्र मकर यांचा समावेश होता. तसेच साई मेडिकलच्या मालकांनी पुढील काळात आवश्यक मलम व औषधं मोफत पुरवण्याची जबाबदारी घेतली.
सन्मान सोहळ्यात उपस्थित होते: सौ. सिद्धी विनायक पाथरे, सौ. संगीता उपेंद्र भिडे, सौ. श्रद्धा केतन शेट्ये, सौ. सुप्रिया विजयानंद शेट्ये. या सोहळ्याद्वारे महिला कर्मचार्यांच्या कार्याची दखल घेऊन त्यांना आवश्यक साधनसामग्री प्रदान करण्यात आली, जेणेकरून त्यांचे कार्य आणखी सुलभ आणि प्रभावी होईल. हा सन्मान फक्त व्यक्तींसाठी नव्हे, तर संपूर्ण समाजासाठी आदर्श आणि प्रेरणास्त्रोत ठरला आहे.
