(गणपतीपुळे / वैभव पवार)
महाराष्ट्रातील सुप्रसिद्ध इतिहास संशोधक तथा प्रसिद्ध लेखक, जागतिक कीर्तीचा वक्ता, उद्योजक आणि राष्ट्रमाता जिजाऊ साहेब यांचे वंशज प्राध्यापक नामदेवराव जाधव यांनी नुकतीच मालगुंड जोशीवाडी येथील राजे ग्रुपच्या शिवस्मारकाला भेट दिली. यावेळी त्यांनी मालगुंड जोशी वाडी येथे राजे ग्रुपने उभारलेल्या शिवस्मारकाची पाहणी करून राजे ग्रुपच्या प्रभावशाली सामाजिक कार्याचे कौतुक केले.
या भेटी प्रसंगी प्राध्यापक नामदेवराव जाधव यांचे राजे ग्रुप मालगुंडचे अध्यक्ष बाबा आग्रे, कोषाध्यक्ष नितीन भातडे, उदय हुमणे, रोहिदास वाळवे, प्रथमेश आग्रे, सुशांत हुमणे, महेश फडकले, उद्योजक यज्ञेश साळवी व अन्य सहकारी सदस्यांच्या वतीने अतिशय आदरपूर्वक स्वागत करण्यात आले. त्यानंतर त्यांचा यथोचित सन्मान करण्यात आला.
या भेतीप्रसंगी प्रा. नामदेवराव जाधव यांनी राजे ग्रुपला ‘एक संन्यासी’ ज्याने लाखो लोकांचा संसार केला ही ऐतिहासिक स्वलिखित पुस्तिका भेट दिली. यावेळी त्यांनी राजे ग्रुपने उभारलेल्या भव्य दिव्य शिवपुतळ्याची प्रशंसा करून राजे ग्रुपच्या प्रभावशाली कार्याबद्दल राजे ग्रुपच्या प्रमुख पदाधिकाऱ्यांकडून माहिती घेतली आणि असेच प्रशंसनीय कार्य करीत रहा,बीअशी शाबासकीची थाप पाठीवर मारली. यावेळी राजे ग्रुपच्या सदस्यांनी त्यांच्या भेटी प्रसंगी समाधान व कृतज्ञता व्यक्त केली.
