(जाकादेवी / वार्ताहर)
रत्नागिरी तालुक्यातील खालगाव जाकादेवी येथील प्रसिद्ध व्यावसायिक जयवंत गोविंद शिंदे यांचे २ ऑक्टोबर रोजी वयाच्या ७६ व्या वर्षी दुःखद निधन झाले.
जाकादेवी खालगाव परिसरातील एक प्रतिष्ठित नागरिक म्हणून ते परिचित होते. इ. १० वी उत्तीर्ण झाल्यानंतर त्यांनी व्यावसायात लक्ष वेधून आपला संसार यशस्वीपणे उभा केला. ते खूप मेहनती आणि परोपकारी व्यक्तिमत्व होते. त्यांनी आपल्या मुलांना चांगले शिक्षण देऊन स्वतःच्या पायावर उभे केले. त्यांच्या पश्चात दोन मुलगे, मुलगी, जावई, नातवंडे असा परिवार आहे. त्यांच्या निधनाबद्दल परिसरातून दुःख व्यक्त होत आहे.
