(देवरुख)
तायक्वांडो फेडरेशन ऑफ इंडियाच्या मान्यतेने, तायक्वांडो असोसिएशन ऑफ महाराष्ट्रच्या अंतर्गत आणि रत्नागिरी तायक्वांडो स्पोर्ट्स असोसिएशनच्या सहकार्याने आयोजित ज्युनिअर अजिंक्यपद राज्यस्तरीय तायक्वांडो स्पर्धा दि. 23 ते 25 ऑक्टोबरदरम्यान स्पोर्ट्स कॉम्प्लेक्स, डेरवण (चिपळूण) येथे पार पडणार आहे. या स्पर्धेत राज्यभरातील सुमारे ४०० खेळाडू सहभागी होणार आहेत.
ही स्पर्धा राज्य संघटनेचे अध्यक्ष डॉ. अविनाश बरगजे, महासचिव मिलिंद पठारे, तसेच जिल्हा संघटना अध्यक्ष व राज्य संघटना कोशाध्यक्ष वेंकटेश्वरराव कर्रा यांच्या मार्गदर्शनाखाली होणार आहे.
या स्पर्धेत संगमेश्वर तालुका तायक्वांडो अकॅडमीच्या अंतर्गत कार्यरत नगरपंचायत देवरुख तायक्वांडो क्लबचे दोन खेळाडू — तनुश्री गणेश नारकर आणि मृणाल शाम मोहिरे — हे रत्नागिरी जिल्ह्याचे प्रतिनिधित्व करणार आहेत.
या खेळाडूंना शुभेच्छा देण्यासाठी देवरुख नगरपंचायत तायक्वांडो क्लबमध्ये छोटेखानी कार्यक्रम आयोजित करण्यात आला होता. या वेळी नगरपंचायत देवरुखचे मुख्याधिकारी प्रशांत भोसले, क्लब अध्यक्षा सौ. स्मिता लाड, तसेच सामाजिक कार्यकर्ते युयुत्सु आर्ते प्रमुख पाहुणे म्हणून उपस्थित होते.
यावेळी प्रमुख प्रशिक्षक शशांक घडशी, उपाध्यक्ष संदेश जागुष्टे, सदस्या स्वाती नारकर, रुपाली कदम, पालक प्रतिनिधी अदिती लोध, प्रशिक्षक स्वप्निल दांडेकर, सुमित पवार, गायत्री शिंदे, साई प्रसाद शिंदे आदी मान्यवर उपस्थित होते.
निवड झालेल्या खेळाडूंना तालुका अकॅडमीचे अध्यक्ष माजी आमदार डॉ. सुभाष बने, आमदार शेखर निकम, माजी राज्यमंत्री रवींद्र माने, जिल्हा परिषद माजी अध्यक्ष रोहन बने, माजी नगराध्यक्षा मृणाल शेट्ये, माजी उपनगराध्यक्ष अभिजित शेट्ये, वैभव पवार, तसेच जिल्हा संघटना अध्यक्ष वेंकटेश्वरराव कर्रा, जिल्हा प्रमुख प्रशिक्षक लक्ष्मण के, तालुका उपाध्यक्ष परेश खातू, नगरसेवक प्रफुल्ल भुवड, टेक्निकल प्रमुख चिन्मय साने, क्लब सदस्या अनुजा नार्वेकर, अण्णा बेर्डे, दत्तात्रय भस्मे, राजेंद्र केदार, सिनियर खेळाडू सौरभ वनकर, निखिल लाड, सानिका प्रसादे, संकेत मापुस्कर, पंकज मेस्त्री, सिद्धी केदारी, वेदांत गिडये, आशिष रसाळ आदींनी शुभेच्छा दिल्या.
