(रत्नागिरी)
इस्लाम धर्माचे प्रेषित हजरत मुहम्मद पैगंबर यांचा १५०० वा जन्मदिवस आज ईद-ए-मिलाद म्हणून उत्साहात साजरा करण्यात आला. या औचित्याने दावते इस्लामी रत्नागिरी शाखेतर्फे जुलूस व रॅलीचे आयोजन करण्यात आले.
जुलूस अतिशय शिस्तबद्ध पद्धतीने काढण्यात आला. यात दुचाकी व चारचाकी वाहनांचा मोठ्या संख्येने सहभाग होता. रॅलीचा मार्ग उद्यमनगर – कोंकणनगर – मारुती मंदिर – उद्यमनगर असा होता आणि शेवटी ती कोंकणनगर येथे संपन्न झाली.
या वेळी दावते इस्लामी शाखा रत्नागिरी चे सदस्य उवेज जरीवाला, अली असगर अत्तारी तसेच इतर पदाधिकारी उपस्थित होते. गरीब नवाज रिलीफ फाउंडेशन रत्नागिरीचे अध्यक्ष फारुक जरीवाला याही कार्यक्रमास उपस्थित होते.
जुलूसानंतर सर्वांना नियाजचे वाटप करण्यात आले. रॅली सुरळीत पार पाडण्यासाठी रत्नागिरी शहर पोलिसांनी विशेष परिश्रम घेतले.
