(गणपतीपुळे / वैभव पवार)
गावाच्या आरोग्य सेवेची जाण ठेवत मालगुंड येथील प्रतिष्ठित ग्रामस्थ आणि नामांकित व्यावसायिक यज्ञेश उर्फ बंटी साळवी यांनी प्राथमिक आरोग्य केंद्राला बेबी वेट मशीन भेट दिले. आरोग्य केंद्रातील नवजात शिशूंच्या तपासणी व देखभालीसाठी हे बेबीवेट मशीन अत्यंत उपयुक्त ठरणार आहे.
आरोग्य केंद्रात दररोज मोठ्या संख्येने गर्भवती महिला व लहान बालकांची तपासणी केली जाते. बालकांचे अचूक वजन घेणे ही तपासणी प्रक्रियेत महत्त्वाची बाब असते. यासाठी बेबी वेट मशीनची आवश्यकता होती. बंटी साळवी यांच्या कुटुंबीयांनी ही गरज पूर्ण करत आरोग्य सेवेला थेट हातभार लावला आहे.
या उपक्रमामुळे बालकांच्या आरोग्य तपासणीला गती मिळून उपचार अधिक परिणामकारक होणार असल्याचे वैद्यकीय अधिकारी डॉ अमोल पणकुटे व डॉ सुनीता पवार आरोग्य सहाय्य्क परशुराम निवेंडकर तसेच आरोग्य कर्मचारी यांनी सांगितले. त्यांनी व्यावसायिक बंटी साळवी यांच्या सामाजिक बांधिलकीचे मनःपूर्वक कौतुक करत आभार मानले.
