(संगमेश्वर)
तालुक्यातील निवे बुद्रुक येथील २९ वर्षीय तरुणीने किटकनाशक प्राशन करून आत्महत्येचा प्रयत्न केल्याची घटना घडली असून, उपचारादरम्यान तिचा दुर्दैवी मृत्यू झाला. मृत तरुणीचे नाव सुखदा मंगेश यादव (वय २९, रा. निवे बुद्रुक, ता. संगमेश्वर) असे आहे.
ही घटना ८ जुलै २०२५ रोजी सायंकाळी ७.१५ वाजता घडली. किटकनाशक औषध सेवन केल्यानंतर सुखदाला तातडीने रत्नागिरी सिव्हिल हॉस्पिटलमध्ये उपचारासाठी दाखल करण्यात आले. मात्र प्रकृती अधिक बिघडल्याने त्यानंतर तिला कोल्हापूर येथील सी.पी.आर. हॉस्पिटलमध्ये हलवण्यात आले. तेथे काही दिवसांपासून तिच्यावर उपचार सुरू असताना अखेर तीच्यावर उपचार सुरू असतानाच तिचा मृत्यू झाला अशी माहिती डॉक्टरांनी दिली आहे.
या प्रकरणी अमृ. क्रमांक १९/२०२५ अन्वये बी.एन.एस.एस. १९४ प्रमाणे नोंद करण्यात आली असून, देवरुख पोलीस ठाण्यात घटनेची नोंद झाली आहे. मृत्यूचे नेमके कारण अद्याप अस्पष्ट असून, पोलिसांनी अधिक तपास सुरू केला आहे. या दुर्दैवी घटनेमुळे परिसरात हळहळ व्यक्त केली जात आहे.
