(राजापूर)
ग्रामीण समाजप्रबोधनी, येळवण संचलित माध्यमिक विद्यामंदिर सौंदळ या शाळेने मार्च २०२५ मधील माध्यमिक शालांत प्रमाणपत्र परीक्षेत उल्लेखनीय कामगिरी करत ९२.६० टक्के निकालाची नोंद केली आहे. यामुळे शाळेचा शैक्षणिक दर्जा पुन्हा एकदा सिद्ध झाला आहे.
शाळेतील विद्यार्थ्यांनी परीक्षेत घवघवीत यश मिळवले असून, पुढील विद्यार्थ्यांनी शाळेचा गौरव वाढविला आहे:
यशाचे पहिले तीन मानकरी:
१) कुमारी आर्या दिनेश सावंत – ८१.६०%
२) कुमारी धनश्री किशोर गुरव – ७९.००%
३) कुमारी तन्वी सुधीर नारकर – ७४.२०%
या यशामागे विद्यार्थ्यांची सातत्यपूर्ण मेहनत, शिक्षकांचे कुशल मार्गदर्शन आणि पालकांचे सहकार्य यांचा मोठा वाटा आहे. या यशाबद्दल संस्थापक अध्यक्ष श्री. चंद्रकांत केशव देशपांडे, सर्व शिक्षकवृंद, शिक्षकेतर कर्मचारी आणि पालकांनी विद्यार्थ्यांचे मन:पूर्वक अभिनंदन केले.
या निकालामुळे ग्रामीण भागातील विद्यार्थ्यांची गुणवत्ता आणि शिक्षणातील प्रगती अधोरेखित झाली आहे.
