रायगड जिल्ह्यातील तळा तालुक्यातील तारणे फाट्यावर ट्रेलर आणि एसटी बस यांची भीषण धडक झाली. अपघात इतका जबरदस्त होता की एसटी बस एका बाजूने पूर्णपणे चिरली गेली. या दुर्घटनेत ४ प्रवाशांचा मृत्यू झाला असून १० हून अधिकजण गंभीर जखमी झाले आहेत. आज दुपारी १२ वाजून ३० मिनिटांनी हा अपघात घडला आहे. तळयाकडून अगरदांडयाच्या दिशेने निघालेल्या ट्रेलरने रहाटाड कडून येणाऱ्या एसटीबसला जोरदार धडक दिली. तारणे येथील तीव्र वळणावर हा अपघात घडला आहे. अपघात एवढा भयानक होता की, एसटी बस एका बाजूने पूर्णपणे चिरली गेली. सदरच्या अपघाताची नोंद तळा पोलीस ठाण्यात करण्यात आली.
या अपघातामध्ये एसटी चा अक्षरश: चुराडा झाला आहे तर डंपरचे देखील नुकसान झाले आहे. तळा-मांदाड रस्त्यावर अपघाताची ही घटना घडली आहे. दुपारी घडलेला हा अपघात पोलिसांना समजताच त्यांनी तत्काळ घटनास्थळी धाव घेतली आणि जखमींना रुग्णालयात दाखल केले. अपघाताची नोंद तळा पोलीस ठाण्यात झाली असून शवविच्छेदनासाठी मृतदेह पाठवण्यात आले आहेत. प्रशासनाकडून अपघातस्थळी मदतकार्य सुरू असून पोलीस पुढील तपास करत आहेत.
मृतांची नावे:
-
तृप्ती विजय खुटीकर (22), रहाटाड कोळीवाडा
-
लक्ष्मण राया ढेबे (38), धनगरवाडी
-
अनन्या कपेश गमरे (7), आंबेत
-
विठ्ठल धोंडू कजबते (55), खांबवली
गंभीर जखमी:
काशिनाथ ढेबे, सविता गायकवाड, यशवंत रामाणे, लक्ष्मण घायरी, वैष्णवी फुटेकर, ससुबाई गायकवाड, जयश्री गवाणे, संगीता जाधव, मोरेश्वर ढेबे आदी.
