(चिपळूण)
अखिल भारतीय मराठा महासंघ, रत्नागिरी जिल्ह्यातर्फे कीर्तन महोत्सव व जगद्गुरु रामानंदाचार्य नरेंद्राचार्यजी यांचा ‘मराठा समाजरत्न’ पुरस्काराने गौरव करण्यात येणार आहे. शुक्रवारी दिनांक 14 संध्याकाळी सहा वाजता चिपळूण येथे कार्यक्रम होणार आहे.
मराठा महासंघाला १२५ वर्षे पूर्ण झाली आहेत. त्यामुळे शतकोत्तर रौप्य महोत्सवानिमित्त समाजासाठी आदर्शवत असलेल्या व्यक्तींचा सन्मान करण्यात येणार आहे. जगद्गुरु रामानंदाचार्य नरेंद्राचार्यजी यांच्या आध्यात्मिक आणि सामाजिक कार्याबद्दल कृतज्ञता व्यक्त करण्यासाठी, त्यांच्यापासून समाजाने प्रेरणा घेण्यासाठी हा पुरस्कार देण्यात येत आहे.
जगद्गुरु नरेंद्राचार्यजी महाराज यांचे अध्यात्मिक, सामाजिक असे विविध प्रकारचे लोकोपयोगी कार्य प्रेरणादायी आहे. त्या कार्याचा गौरव म्हणून त्यांना हा पुरस्कार देण्यात येणार आहे. रक्तदान, देहदान अशा विविध प्रकारच्या भव्यतम लोकोपयोगी कार्याची प्रेरणा जगद्गुरुश्री आहेत. या दोन्ही उपक्रमांची महाराष्ट्रासह अन्य राज्यातही चर्चा आहे. त्यांचे हिंदू धर्म पुर्नप्रवेशाचे कार्यही उल्लेखनीय आहे. याच कार्यक्रमामध्ये १३ फेब्रुवारीला सायंकाळी ६ वाजता सुदर्शन शिंदे यांचे शिव व्याख्यान, रात्री आठ वाजता कबीर महाराज यांचे कीर्तन आहे. १४ रोजी सायंकाळी ५ वाजता प्रा. नामदेवराव जाधव यांचे शिवव्याख्यान. ६ वाजता सत्कार सोहळा व ८ वाजता ज्ञानेश्वर महाराज वाभले यांचे कीर्तन आयोजित केले आहे
