(देवरुख / सुरेश सप्रे)
रोलर अटलॅटिक महाराष्ट्र राज्य चॅम्पियन्स स्पर्धेत रेयांश बने याने दुहेरी स्पर्धेत २ सुवर्ण पदक पटकावत आपला ठसा कायम ठेवत दबदबा निर्माण केला. सदरची स्पर्धा मुंबईत विरार येथे १२ जानेवारी आयोजित करण्यात आली होती. स्पर्धेत भांडूपचा राष्ट्रीय खेळाडू रैयांश बने याने दुहेरी यश संपादन करून दुहेरी यश पटकाविले.
महाराष्ट्रीय शिक्षण संस्थेचे सचिव सुभाष बने यांचा नातू व उबाठा शिवसेनेचे भांडूपचे उपविभाग प्रमुख पराग बने यांचा सुपुत्र कु. रेयांश पृथा पराग बने याने भाग घेत दोन दोन सुवर्ण पदके पटकावली. त्याच्या मेहनतीबद्दल आणि त्याच्या यशाबद्दल त्याचे सर्वत्र अभिनंदन होत आहे. यापूर्वी त्याने विविध स्केटिंग स्पर्धेत ज्युनिअर गटात राज्य व राष्ट्रीय स्पर्धेत अनेक विक्रम करत स्पर्धा जिंकून आपला वेगळा ठसा उमटविला आहे. पराग शैक्षणिक संकुल येथे महाराष्ट्रीय शिक्षण संस्था भांडूप यांच्यातर्फे सत्कार करण्यात आला. व पुढील स्पर्धेसाठी शुभेच्छा देण्यात आल्या.
