(पंढरपूर)
हिंदू वर्षातील महत्वाचे साडेतीन मुहुर्तापैकी अक्षय तृतीया एक मुहूर्त आहे. हिंदू धर्मात या सणाला विशेष महत्त्व असते. त्यानिमित्ताने पंढरपुरातील श्री रूक्मिणी मातेस अलंकार परिधान करण्यात आल्याची माहिती व्यवस्थापक प्रविणकुमार घम यांनी दिली.
यामध्ये श्री रूक्मिणी मातेस सोने मुकुट वाक्या जोड, तोडे जोड, तानवड जोड, चिंच पेटी तांबडी, जव मणी पदक, जवेच्या माळा, लक्ष्मी हार, मोहरांची माळ, पुतळ्यांची माळ, हायकोळ, सरी, कंबर पट्टा इत्यादी अलंकार परिधान करण्यात आले. उन्हाची तीव्रता वाढत असल्याने श्री विठ्ठल रुक्मिणीला चंदन उटीचा लेप लावला जातो. या लेपाच्या पोशाखातही श्री विठ्ठल रुक्मिणी मातेचे साजेसे रूप मनमोहून घेत असल्याने वारकरी भाविकांनी रविवारी सकाळपासूनच मंदिरात दर्शनासाठी मोठी गर्दी केली होती.
