(संगमेश्वर / मकरंद सुर्वे)
नवनिर्माण महाविद्यालय, संगमेश्वर यांच्या वतीने आयोजित करण्यात आलेल्या ‘नवनिर्माण मॅरेथॉन’ स्पर्धेला तालुक्यासह परिसरातील धावपटूंचा उत्स्फूर्त प्रतिसाद लाभला. विविध वयोगटांतील सुमारे ७०० हून अधिक स्पर्धकांनी या मॅरेथॉनमध्ये सहभाग घेत शारीरिक क्षमता, जिद्द आणि शिस्तीचे दर्शन घडवले. या स्पर्धेत ऋषभ दसम, राज धुळप, दीपाली शिंदे आणि गौरी कदम यांनी आपापल्या गटात प्रथम क्रमांक पटकावत यश संपादन केले.
स्पर्धेचे निकाल पुढीलप्रमाणे :
१६ वर्षांखालील मुले
प्रथम : ऋषभ धोंडू दसम
द्वितीय : आदर्श मंगेश भुवड
तृतीय : आर्यन अनंत बालदे
चतुर्थ : प्रसाद दीपक सुवरे
१६ वर्षांखालील मुली
प्रथम : दीपाली प्रमोद शिंदे
द्वितीय : गौरी दत्ताराम शीतप
तृतीय : प्रांजल संदीप घुगे
चतुर्थ : वैदेही उमेश देवलाटकर
खुला गट (पुरुष)
प्रथम : राज सुरेश धुळप
द्वितीय : शुभम अनिल शीतप
तृतीय : विशाल रामचंद्र लटके
चतुर्थ : करण कृष्णा नटे
खुला गट (महिला)
प्रथम : गौरी सुरेंद्र कदम
द्वितीय : अमिषा यशवंत पवार
तृतीय : सानिया गणपत बडद
चतुर्थ : सानिका संतोष सनगले
पारितोषिक वितरण
स्पर्धेच्या सांगता समारंभात विजेत्यांना चषक व रोख रक्कम देऊन गौरविण्यात आले. खुल्या गटातील विजेत्यांना अनुक्रमे ३,०००, २,०००, १,००० व ५०० रुपये, तर १६ वर्षांखालील गटातील विजेत्यांना २,५००, १,५००, १,००० व ५०० रुपये रोख पारितोषिक देण्यात आले.
मान्यवरांची उपस्थिती
या कार्यक्रमाला नवनिर्माण शिक्षण संस्थेचे चेअरमन अभिजीत हेगशेट्ये, सीमा हेगशेट्ये, ऋतुजा हेगशेट्ये, पोलीस निरीक्षक उदय झावरे, राजाराम चव्हाण, जिल्हा परिषद सदस्या माधवी गीते, तसेच बापू शेट्ये, बापू शिंदे, उदय संसारे, दिलीप रहाटे, अशोक जाधव, युयुत्सु आर्ते, प्राचार्या डॉ. संजना चव्हाण आदी मान्यवर उपस्थित होते.
यावेळी बोलताना अभिजीत हेगशेट्ये म्हणाले, “खेड्यापाड्यातील गुणवंत धावपटूंना व्यासपीठ मिळावे आणि भविष्यात सक्षम खेळाडू घडावेत, या उद्देशाने ही स्पर्धा आयोजित करण्यात आली असून ती निश्चितच एक ‘माईलस्टोन’ ठरेल.”
नियोजन व सूत्रसंचालन
स्पर्धेच्या यशस्वी आयोजनासाठी शिक्षक संतोष साळुंखे, उदय गावडे, प्रमोद पडवळ, सुरेंद्र कुळे, योगेश पाचकळे व अभिजीत कदम यांनी पंच म्हणून जबाबदारी पार पाडली. सिद्धेश सावंत यांच्यासह प्राध्यापक वर्ग व कर्मचारीवृंदाने मोलाचे सहकार्य केले. कार्यक्रमाचे सूत्रसंचालन प्रा. सचिन टेकाळे आणि प्रा. संतोष खरे यांनी केले. मॅरेथॉनचे उद्घाटन फिजिओथेरपी संचालिका ऋतुजा हेगशेट्ये यांच्या हस्ते झेंडा दाखवून करण्यात आले.
(छायाचित्र : मकरंद सुर्वे, संगमेश्वर)
