(रत्नागिरी)
तालुक्यातील कोतवडे भागात पुन्हा एकदा बिबट्याचा वावर उघडकीस आला आहे. यापूर्वीही परिसरात बिबट्याच्या हालचालींच्या बातम्या समोर आल्या होत्या, मात्र २२ सप्टेंबरच्या मध्यरात्री हा प्राणी थेट बौद्धवाडी येथील एका खाजगी विहिरीत पडला आहे.
स्थानिकांनी तत्काळ या घटनेची माहिती वनविभागाला दिली असून, वनविभागाचे पथक घटनास्थळी दाखल होणार असल्याची माहिती मिळाली आहे. अंदाजे काही तासांत बिबट्याला सुरक्षितपणे ताब्याची कार्यवाही केली जाणार आहे. ग्रामस्थांमध्ये बिबट्याच्या अचानक हजेरीने भीती आणि जाणीव वाढली आहे. वनविभागाने परिसरात सुरक्षा उपाययोजना वाढविणे आवश्यक असल्याचे बोलले जात आहे.
कोतवडे परिसरातील या प्रकारामुळे वन्यप्राणी आणि मानवी वस्ती यातील संवेदनशीलता पुन्हा एकदा उजेडात आली आहे. बिबट्या विहिरीत पडण्याच्या घटना घडत असल्याने नागरिकांमध्ये जागरूकता निर्माण करण्याची गरज अधोरेखित झाली आहे.
