( नवी दिल्ली )
भारताची आघाडीची वाहन निर्माता कंपनी Tata Motors ने आपल्या ऑल-न्यू Altroz हॅचबॅकसाठी आणखी एक मोठे यश मिळवले आहे. भारतातील नवीन सुरक्षा प्रोटोकॉल BNCAP (भारत NCAP) अंतर्गत Altroz ला पाच-स्टार सेफ्टी रेटिंग प्राप्त झाले आहे. यामुळे Altroz ही देशातील सर्वात सुरक्षित हॅचबॅक ठरली आहे.
सेफ्टीमध्ये सर्वोच्च रेटिंग
BNCAP च्या चाचणीत Altroz ने प्रभावी स्कोअर नोंदवला आहे:
- प्रौढ प्रवासी सुरक्षा: 29.65 / 32
- बाल सुरक्षा: 44.9 / 49
हे स्कोअर Altroz च्या मजबुत स्ट्रक्चर व प्रगत सुरक्षा वैशिष्ट्यांची साक्ष देतात. विशेष म्हणजे, 2020 मध्ये ग्लोबल NCAP कडून देखील Altroz ने 5-स्टार रेटिंग मिळवले होते. आणि आता देशांतर्गत BNCAP अंतर्गतही आपला दर्जा पुन्हा सिद्ध केला आहे.
सर्व पॉवरट्रेन्ससाठी समान सुरक्षितता
Altroz ही भारतातील एकमेव हॅचबॅक आहे जी पेट्रोल, डिझेल आणि CNG अशा सर्व पॉवरट्रेन्समध्ये उपलब्ध आहे. आणि या तिन्ही प्रकारांसाठी तिला 5-स्टार सुरक्षा रेटिंग मिळाल्यामुळे ती देशातील सर्वात सुरक्षित मल्टी-पॉवरट्रेन कार बनली आहे.
टाटा मोटर्स पॅसेंजर व्हेइकल्स लि.चे उपाध्यक्ष आणि CPO मोहन सावरकर यांनी या यशावर प्रतिक्रिया देताना सांगितले, “Altroz ने प्रीमियम हॅचबॅक सेगमेंटमध्ये नेहमीच नवे मापदंड निर्माण केले आहेत. सर्व पॉवरट्रेन्ससाठी 5-स्टार रेटिंग मिळवणे हे आमच्या सुरक्षिततेच्या वचनबद्धतेचे स्पष्ट निदर्शक आहे. ग्राहकांचा विश्वास टिकवणं, हेच आमचं प्रमुख उद्दिष्ट आहे.”
ALFA प्लॅटफॉर्म आणि डायमंड सेफ्टी शील्ड
मे 2025 मध्ये लाँच झालेली ऑल-न्यू Altroz, Tata Motors च्या ALFA (Agile Light Flexible Advanced) प्लॅटफॉर्मवर आधारित आहे. यामध्ये डायमंड स्ट्रेंथ सेफ्टी शील्ड देण्यात आले आहे, ज्यामुळे कारचा स्ट्रक्चरल इंटेग्रिटी व क्रम्पल झोन प्रभावीपणे प्रवाशांचे रक्षण करतो.
प्रगत सेफ्टी वैशिष्ट्ये
Altroz मध्ये खालील हाय-एंड सेफ्टी फीचर्स देण्यात आले आहेत:
- 6 एअरबॅग्स
- इलेक्ट्रॉनिक स्टॅबिलिटी प्रोग्राम (ESP)
- ISOFIX चाइल्ड माउंट्स
- 360° एचडी सराउंड व्ह्यू कॅमेरा
- ब्लाइंड व्ह्यू मॉनिटर
- डायरेक्ट TPMS
- SOS आणि ब्रेकडाऊन असिस्टन्स
- रेन-सेंसिंग वायपर्स
- ऑटो हेडलॅम्प्स
- LED फॉग लॅम्प्स (कॉर्नरिंग फंक्शनसह)
प्रिमियम डिजिटल अनुभव
Altroz मध्ये केवळ सुरक्षितता नाही, तर टेक्नॉलॉजी व लक्झरीचा उत्तम समन्वयही आहे:
- 10.25 इंचाचा Harman अल्ट्रा-व्यू HD टचस्क्रीन
- फुल डिजिटल ड्रायव्हर क्लस्टर
- व्हॉईस एनेबल सनरूफ
- वायरलेस अँड्रॉइड ऑटो / Apple CarPlay
- iRA कनेक्टेड कार टेक्नॉलॉजी
- एअर प्यूरीफायर व त्वरित कूलिंग
- ड्युअल 65-वॅट फास्ट चार्जर्स
- अँबियंट लाईटिंग आणि लाऊंजसारखी सीटिंग
कार्यक्षमता आणि विविधता
Altroz मध्ये उपलब्ध असलेले पॉवरट्रेन व ट्रान्समिशन पर्याय:
- इंधन प्रकार: पेट्रोल | डिझेल | CNG (ट्विन सिलिंडर तंत्रज्ञान)
- ट्रान्समिशन: मॅन्युअल | AMT | DCA
ही विविधतेमुळे Altroz आपल्या सेगमेंटमधील सर्वाधिक पर्याय असलेली आणि सर्वसमावेशक प्रीमियम हॅचबॅक बनली आहे.
Tata Altroz ने पुन्हा एकदा सिद्ध केले आहे की, भारतात तयार झालेल्या कार्स देखील जागतिक दर्जाची सुरक्षितता आणि तंत्रज्ञान प्रदान करू शकतात. BNCAP अंतर्गत सर्व पॉवरट्रेन प्रकारांसाठी मिळालेल्या 5-स्टार रेटिंगने Altroz ची ओळख केवळ एक प्रीमियम हॅचबॅक म्हणूनच नव्हे, तर “देशातील सर्वात सुरक्षित कार” म्हणूनही अधोरेखित झाली आहे.
