(मुंबई)
आगामी मुंबई महानगरपालिका निवडणुकीसाठी सर्वच राजकीय पक्षांकडून मोर्चेबांधणी सुरू झाली आहे. त्याचाच भाग म्हणून शिवसेनेने आपली मुख्य कार्यकारी समिती जाहीर केली असून, पक्षप्रमुख एकनाथ शिंदे यांच्या नेतृत्वाखालील या समितीत एकूण 21 शिलेदारांचा समावेश करण्यात आला आहे. महापालिका निवडणुकीसंदर्भातील सर्व महत्त्वाचे निर्णय या समितीतून घेण्यात येणार आहेत. या समितीत पक्षाचे प्रमुख नेते, विद्यमान खासदार-आमदार, माजी खासदार-आमदार यांना स्थान देण्यात आले आहे. विशेष म्हणजे, माजी मंत्री रामदास कदम आणि माजी खासदार गजानन कीर्तीकर यांचीही या समितीत निवड झाली आहे.
या 21 जणांच्या कार्यकारी समितीत तीन महिलांचा सहभाग आहे. यामध्ये माजी आमदार यामिनी जाधव, महिला नेत्या मीनाताई कांबळी आणि विधान परिषदेच्या आमदार मनिषा कायंदे यांचा समावेश आहे.
शिवसेनेची मुख्य कार्यकारी समिती (21 सदस्यीय)
- एकनाथ शिंदे – मुख्य नेते
- रामदास कदम – नेते
- गजानन कीर्तीकर – नेते
- आनंदराव अडसूळ – नेते
- मीनाताई कांबळी – महिला नेत्या
- डॉ. श्रीकांत शिंदे – खासदार
- रवींद्र वायकर – खासदार
- मिलिंद देवरा – राज्यसभा खासदार
- राहुल शेवाळे – माजी खासदार
- संजय निरुपम – माजी खासदार
- प्रकाश सुर्वे – आमदार
- अशोक पाटील – आमदार
- मुरजी पटेल – आमदार
- दिलीप लांडे – आमदार
- तुकाराम काते – आमदार
- मंगेश कुडाळकर – आमदार
- मनिषा कायंदे – विधान परिषद आमदार
- सदा सरवणकर – माजी आमदार
- यामिनी जाधव – माजी आमदार
- दीपक सावंत – माजी आमदार
- शिशिर शिंदे – माजी आमदार
