(नवी दिल्ली)
परिवहन मंत्रालयाने (Ministry of Road Transport and Highways – MoRTH) सर्व ड्रायव्हिंग लायसन्स धारक व वाहन मालकांना त्यांचा मोबाइल नंबर आधारशी लिंक करण्याचे आवाहन केले आहे. या महत्त्वपूर्ण प्रक्रियेमुळे ई-चालान, वाहन नोंदणी, विमा नूतनीकरण, वाहन हस्तांतरण यांसारख्या सेवांचा लाभ सहज व अखंडितपणे घेता येईल.
सरकारचा स्पष्ट संदेश
परिवहन मंत्रालयाकडून एक संदेश देशभरातील लायसन्स धारकांना पाठवण्यात आला आहे. त्यात म्हटले आहे: “सर्व लायसन्स धारकांनी कृपया त्यांचा मोबाइल नंबर आधार प्रमाणीकरणाद्वारे जोडावा. www.parivahan.gov.in या पोर्टलवर जाऊन प्रक्रिया पूर्ण करा. जर आधीच केली असेल, तर दुर्लक्ष करा.” या मोहिमेमुळे बनावट कागदपत्रांना आळा बसणार असून, लायसन्स धारकांना प्रत्येक सेवा किंवा सूचना थेट मोबाइलवर मिळणार आहे.
मोबाइल नंबर अपडेट करण्याची प्रक्रिया
तुमचा मोबाइल नंबर आधारशी जोडण्यासाठी ही सोपी प्रक्रिया फॉलो करा:
- पोर्टलला भेट द्या: www.parivahan.gov.in या संकेतस्थळावर जा
- पर्याय निवडा: ‘Update Mobile Number via Aadhaar’ हा पर्याय क्लिक करा
- तपशील भरा: वाहन क्रमांक, जन्मतारीख, चेसिस क्रमांक वगैरे माहिती भरावी
- OTP पडताळणी: आधारशी लिंक असलेल्या मोबाइलवर आलेला OTP टाका
- सबमिट करा: सर्व तपशील तपासून ‘Submit’ करा
ड्रायव्हिंग लायसन्स आधारशी कसे लिंक कराल?
- Sarathi QR कोड स्कॅन करा किंवा संबंधित पेजवर जा
- लायसन्स तपशील भरा: ड्रायव्हिंग लायसन्स क्रमांक, जन्मतारीख, राज्याचे नाव व कॅप्चा कोड टाका
- आधार पडताळणी: आधारशी लिंक असलेल्या मोबाइलवर आलेला OTP टाका
- प्रक्रिया पूर्ण करा: ‘Submit’ वर क्लिक करून लिंकिंग पूर्ण करा
ही प्रक्रिया का आवश्यक आहे?
जर मोबाइल नंबर आणि आधार लिंक नसेल, तर पुढील अडचणी येऊ शकतात:
- चालान व इतर सेवा माहिती तुमच्यापर्यंत पोहोचणार नाही
- वाहन नोंदणी, नूतनीकरण, विमा प्रक्रियेत अडथळे येऊ शकतात
- ऑनलाईन सेवा घेताना प्रमाणीकरण अयशस्वी होण्याची शक्यता
परिवहन मंत्रालयाने सर्व वाहनधारकांना आवाहन केले आहे की, आजच ही प्रक्रिया पूर्ण करा, अन्यथा आवश्यक सेवा मिळण्यात अडचण निर्माण होऊ शकते. यासाठी www.parivahan.gov.in ही अधिकृत वेबसाईटआहे. ही प्रक्रिया पूर्ण होण्यास केवळ काही मिनिटे वेळ लागतो.
