(संगमेश्वर)
संगमेश्वर तालुक्यातील कारभाटले घोरपडेवाडी येथे सोमवारी (11 ऑगस्ट) संध्याकाळी एसटी बस आणि महिंद्रा सुप्रो गाडीची समोरासमोर धडक झाली. या अपघातात सुप्रो गाडीचा चालक किरकोळ जखमी झाला असून, दोन्ही वाहनांचे मोठे नुकसान झाले आहे.
पोलिसांकडून मिळालेल्या माहितीनुसार, हा अपघात संध्याकाळी अंदाजे 4.35 वाजण्याच्या सुमारास घडला. फिर्यादी अप्पासो कल्लाप्पा कोळी (वय 35) हे एमएच-40/एन-9709 क्रमांकाची एसटी बस घेऊन संगमेश्वरहून कातुर्डीकडे जात होते. कारभाटले घोरपडेवाडी येथे रस्ता अरुंद असताना, समोरून येणाऱ्या एमएच-08/एपी-3385 क्रमांकाच्या महिंद्रा सुप्रो गाडीने जोरदार धडक दिली.
फिर्यादीच्या मते, सुप्रो चालक यश सतीश विभुते (वय 25, रा. कळंबस्ते) याने अरुंद रस्त्याची परिस्थिती न पाहता गाडी भरधाव वेगात चालवली, ज्यामुळे अपघात घडला. धडकेत यश विभुते हा किरकोळ जखमी झाला. दोन्ही वाहनांचे मोठ्या प्रमाणावर नुकसान झाले आहे.
या प्रकरणी एसटी चालक अप्पासो कोळी यांच्या फिर्यादीनुसार, सुप्रो चालकाविरुद्ध संगमेश्वर पोलीस ठाण्यात गुन्हा दाखल करण्यात आला असून, पोलीस पुढील तपास करत आहेत.
