(जैतापूर / राजन लाड)
“टीबी मुक्त भारत अभियान” अंतर्गत दिनांक ३१ जुलै २०२५ रोजी नाटे उपकेंद्रात आयोजित मोफत क्ष-किरण तपासणी शिबिराला ग्रामस्थांचा उत्स्फूर्त प्रतिसाद लाभला. या शिबिरात नाटे, कशेळी, धाऊलवली आणि राजवाडी कार्यक्षेत्रातील तब्बल १५४ नागरिकांची तपासणी करण्यात आली.
शिबिरात विशेषतः ६० वर्षांवरील नागरिक, मधुमेह (डायबेटीस) रुग्ण, मागील ५ वर्षांतील क्षयरुग्ण आणि त्यांच्या सहवासातील व्यक्ती यांची क्ष-किरण तपासणी करण्यात आली. या तपासणीचा उद्देश संभाव्य क्षयरुग्ण ओळखून त्यांच्यावर वेळेत उपचार सुरू करणे हा होता.
कार्यक्रमाचे उद्घाटन नाटे सरपंच श्री. संदीप बांदकर आणि उपसरपंच (साखरीनाटे) श्री. नौशाद धालवेलकर यांच्या उपस्थितीत झाले. यावेळी नाटे पंचक्रोशीतील सामाजिक कार्यकर्ते श्री. संतोष चव्हाण, श्री. सुनील डूगीलकर, श्री. सचिन बांदकर, श्री. मजीद गोवळकर, मुख्याध्यापक श्री. जाधव आदी मान्यवर उपस्थित होते.
शिबिर यशस्वी होण्यासाठी जिल्हा क्षयरोग केंद्राचे पीपीएम समन्वयक श्री. श्रीकांत सावंत, आरोग्य सहायक श्री. मंगेश पाटील, क्ष-किरण तंत्रज्ञ श्री. निलेश हंगे, क्षयरोग पर्यवेक्षक श्री. राहुल कोकणे, प्रयोगशाळा पर्यवेक्षक श्रीमती आचल मळेकर यांची उपस्थिती विशेष ठरली.
तसेच, प्राथमिक आरोग्य केंद्र धारतळे येथून सुपरवायझर श्री. कुंभार यांनी सहभाग घेतला. नाटे उपकेंद्राचे श्री. मयूर वानखेडे, कशेळी उपकेंद्राचे श्री. कांबळे, वाडा पेठ उपकेंद्राच्या श्रीमती ममता दुधडे, धाऊलवली उपकेंद्राचे श्री. गेजगे, आरोग्य समुदाय अधिकारी श्री. शरद ढवळे, श्री. धनवे, श्री. सोलणकर, आरोग्य सेविका श्रीमती मुलानी, श्रीमती घवाळी, श्रीमती माधुरी वानखेडे, श्रीमती सायली जाधव, वाहनचालक श्री. सुतार तसेच गटप्रवर्तक व आरोग्य सेविकांनी शिबिराच्या यशासाठी महत्त्वपूर्ण योगदान दिले.
या शिबिराद्वारे क्षयरोगाचे संभाव्य रुग्ण लवकर ओळखून त्यांच्यावर त्वरित उपचार सुरू करण्याची प्रक्रिया राबवण्यात आली. ग्रामीण भागात शासकीय योजनांचा लाभ पोहोचवणारा हा उपक्रम खरोखरच “टीबी मुक्त भारत” संकल्पनेच्या दिशेने एक महत्त्वपूर्ण पाऊल ठरला.
