(रत्नागिरी)
चिपळूण येथे २ ते ४ ऑगस्ट दरम्यान होणाऱ्या जिल्हास्तरीय अजिंक्यपद तायक्वांदो स्पर्धेसाठी गणराज तायक्वांदो क्लब, रत्नागिरी यांनी तब्बल २० खेळाडूंचा आपला संघ जाहीर केला आहे.
संघाचे मार्गदर्शन सौ. रंजना मोंडूळा व श्री. प्रशांत मकवाना करणार असून, खेळाडूंना प्रोत्साहन देण्यासाठी क्लबचे पदाधिकारी — अध्यक्ष सौ. पूजा शेट्ये, उपाध्यक्ष सौ. साक्षी मयेकर, स्नेहा मोरे, परेश मोंडूळा, शलाका जावकर तसेच समस्त पालक वर्ग उपस्थित होते.
स्पर्धेचे ठिकाण व आयोजन
ही स्पर्धा रत्नागिरी तायक्वांदो स्पोर्ट्स असोसिएशनच्या मान्यतेने आणि शहानूर तायक्वांदो अकॅडमी, चिपळूण यांच्या वतीने आयोजित करण्यात आली असून, ती स्वामी मंगल हॉल, बहादुर शेख नाका, चिपळूण येथे पार पडणार आहे.
जिल्ह्यातील विविध क्लबमधून सुमारे ६०० खेळाडू या स्पर्धेत सहभागी होणार आहेत. गणराज क्लबचे २० खेळाडू पूमसे आणि क्यूरोगी या प्रकारांमध्ये ७, १२, १४, १८ वर्षाखालील तसेच १८ वर्षांवरील वयोगटांत आपली ताकद आजमावणार आहेत.
पारितोषिके व निवड
स्पर्धेतील विजेत्यांना सुवर्ण, रौप्य व कांस्य पदके प्रदान करण्यात येणार आहेत. सुवर्णपदक विजेत्या खेळाडूंची राज्यस्तरीय अजिंक्यपद तायक्वांदो स्पर्धेसाठी निवड केली जाईल. तसेच पदक संख्येनुसार संघाला सांघिक प्रथम, द्वितीय व तृतीय पारितोषिके जाहीर केली जातील.
