(रत्नागिरी)
IEDSSA तर्फे आयोजित करण्यात आलेल्या कॅरम स्पर्धेत रत्नागिरी गव्हर्मेंट पॉलीटेक्निकच्या विद्यार्थ्यांनी प्रथम क्रमांक मिळविला. ही स्पर्धा कोल्हापूर मुधाळ येथील के. पी. पाटिल इन्स्टिट्यूट ऑफ टेक्नोलॉजी येथे पार पडली. या स्पर्धेला विद्यार्थ्यांनी उत्स्फूर्त सहभाग दर्शवला. या स्पर्धेत यश मिळवल्याने रत्नागिरीतील ही कॅरम टीमची राज्यस्तरावर निवड करण्यात आली आहे. लवकरच ही स्पर्धा मुंबईत होणार आहे
दरम्यान या कॅरम स्पर्धेत महाविद्यालयातील आयुष सावंत, सर्वेश महाकाळ, सुजल चव्हाण, सर्वेश मोरगावकर आणि सिद्धांत कांबळे या विद्यार्थ्यांनी सहभाग नोंदविला होता. त्यांना समन्वयक श्री. सागर चं. सुर्वे यांचे मोलाचे मार्गदर्शन लाभले. या टीमचे प्रतिनिधित्व सर्वेश महाकाळ यांनी केले. कॅरम स्पर्धेत प्रथम क्रमांक पटकावनाऱ्या या टीमचे व सहभागी विद्यार्थांचे कौतुक करण्यात येत आहे. त्यांच्यावर अभिनंदनाचा वर्षाव होत आहे.
