(मुंबई)
कोकण रेल्वे आणि दक्षिण रेल्वे मार्गावरून प्रवास करणाऱ्या प्रवाशांसाठी दिलासादायक बातमी आहे. वाढती प्रवासी संख्या आणि तिकिटांची मागणी लक्षात घेऊन रेल्वे प्रशासनाने तिरुनेलवेली–दादर–तिरुनेलवेली साप्ताहिक एक्स्प्रेसला कायमस्वरूपी एक अतिरिक्त डबा जोडण्याचा निर्णय घेतला आहे.
या निर्णयामुळे या गाडीची एकूण क्षमता १५ कोचवरून वाढून आता १६ एलएचबी (LHB) कोच इतकी झाली आहे. विशेष म्हणजे प्रवाशांची मोठी मागणी असलेल्या 3 टायर एसी श्रेणीत एक अतिरिक्त डबा वाढवण्यात आला आहे. त्यामुळे वातानुकूलित श्रेणीतून लांब पल्ल्याचा प्रवास करणाऱ्या प्रवाशांना मोठा दिलासा मिळणार आहे.
सुधारित कोच रचना पुढीलप्रमाणे असेल:
* 2 टायर एसी: 01 कोच
* 3 टायर एसी: 02 कोच (पूर्वी 01 होता)
* 3 टायर इकॉनॉमी: 01 कोच
* स्लीपर क्लास: 06 कोच
* जनरल डबे: 04
* जनरेटर कार: 01
* SLR कोच: 01
रेल्वे प्रशासनाने दिलेल्या माहितीनुसार हा बदल पुढील तारखांपासून अंमलात आला आहे.
* गाडी क्र. 22629 (तिरुनेलवेली–दादर): 24 डिसेंबर 2025 पासून
* गाडी क्र. 22630 (दादर–तिरुनेलवेली): 25 डिसेंबर 2025 पासून
दक्षिण रेल्वेच्या या निर्णयामुळे कोकण मार्गावरील तसेच दक्षिण भारताकडे जाणाऱ्या प्रवाशांना अधिक आरामदायी प्रवासाची सुविधा मिळणार आहे. अधिक माहितीसाठी प्रवाशांनी रेल्वेच्या अधिकृत संकेतस्थळाला भेट द्यावी, असे आवाहन मुख्य जनसंपर्क अधिकारी सुनील बी. नारकर यांनी केले आहे.
