(चिपळूण)
तालुक्यातील पाचाड येथील ठेकेदार अनिल मारुती चिले यांच्यावर झालेल्या हल्ल्याने शहरात खळबळ उडाली आहे. शनिवारी रात्री गुहागर बायपासवरील लेणी परिसरात तिघा अज्ञात व्यक्तींनी त्यांची कार अडवून करीत मारहाण केल्याची धक्कादायक घटना घडली. याप्रकरणी तिघांविरोधात गुन्हा नोंदवण्यात आला असून पोलिसांनी तातडीने तपासाची चक्रे वेगाने फिरवली आहेत.
शनिवारी रात्री चिले हे एकटेच कारने पाचाडकडे जात असताना रात्री सुमारे नऊच्या सुमारास एका वळणावर त्यांच्या कारचा माग काढत आलेल्या तिघांनी दुचाकी आडवी उभी करून त्यांना अडवले. काही क्षण शब्दकाटी झाल्यानंतर आरोपींनी चिले यांना कारच्या बाहेर खेचून बेदम मारहाण केली. हल्ल्यानंतर तिघेही अंधाराचा फायदा घेत पसार झाले.
मात्र झटापटीदरम्यान आरोपींपैकी एकाचा मोबाइल घटनास्थळी पडल्याचे पोलिसांच्या निदर्शनास आले असून तोच तपासातील महत्त्वाचा धागा ठरत आहे. या मोबाइलच्या आधारे संशयितांचा मागोवा घेत असल्याची माहिती पोलिस निरीक्षक फुलचंद मेंगडे यांनी दिली. संबंधितांना लवकरच ताब्यात घेतले जाईल, असा विश्वास त्यांनी व्यक्त केला. ठेकेदारावर झालेल्या या हल्ल्यामुळे चिपळूण परिसरात खळबळ माजली आहे. हल्ल्यामागील नेमके कारण अद्याप अस्पष्ट असून पोलिस विविध अंगांनी तपास सुरू ठेवत आहेत.
