(चिपळूण)
शहरातील ओमेगा वाईन मार्टचे संचालक आणि रत्नागिरी जिल्ह्यातील मद्य व्यवसाय क्षेत्रातील मानाचं नाव असलेले नितीन उर्फ भाई रेडीज यांचं आज सोमवारी (१८ ऑगस्ट) दीर्घ आजाराने निधन झालं. त्यांच्या निधनाने चिपळूणमध्ये हळहळ व्यक्त होत आहे.
नितीन रेडीज हे सर्वत्र ‘भाई रेडीज’ या नावाने परिचित होते. अभ्यासू वृत्ती, व्यावसायिक दृष्टी आणि समाजात मानाचं स्थान अशा विविध गुणांचा संगम त्यांच्या व्यक्तिमत्त्वात होता. ओमेगा वाईन मार्ट या ब्रँडद्वारे त्यांनी मद्य व्यवसायात भक्कम स्थान निर्माण केलं होतं.
ते चिपळूणचे माजी नगराध्यक्ष सुचयअण्णा रेडीज व रोटरीचे माजी अध्यक्ष वैभव रेडीज यांचे ज्येष्ठ बंधू होत. गेल्या काही दिवसांपासून ते आजारी होते. उपचार सुरू असतानाच आज त्यांनी अखेरचा श्वास घेतला.
त्यांच्या निधनामुळे रेडीज कुटुंबावर दुःखाचा डोंगर कोसळला असून व्यावसायिक आणि सामाजिक क्षेत्रातील अनेक मान्यवरांनी श्रद्धांजली व्यक्त केली आहे. सोमवारी सायंकाळी ७ वाजता ओझरवाडी येथील राहत्या घरातून अंत्ययात्रा निघणार असून रामतीर्थ स्मशानभूमी येथे त्यांच्या पार्थिवावर अंत्यसंस्कार केले जातील.
भाई रेडीज यांच्या निधनाने चिपळूणच्या व्यावसायिक क्षेत्रातील एक मानाचं व्यक्तिमत्त्व हरपल्याची भावना व्यक्त होत आहे
