(दापोली)
डॉ.बाळासाहेब सावंत कोकण कृषी विद्यापीठ, दापोली येथील कृषि महाविद्यालय, दापोलीच्या विद्यर्थिनीनी ‘ग्रामीण जनजाग्रुती कार्यानुभव (RAWE)’ कार्यक्रमाअंर्तगत केळशी गावात कार्यरत असलेल्या इंद्रधनू व वसुधा गटांच्या वतीने गावात रानमाया रानभाजी प्रदर्शन व त्यापासून पाककृती स्पर्धा आयोजित करण्यात आली होती. या कार्यक्रमास गावचे सरपंच सौ. श्रेया मांडवीलकर, डॉ रणजित महाडिक, डॉ.पेठे, डॉ. काळे, रावे प्रमुख डॉ. विजय देसाई, कनिष्ठ संशोधन सहाय्यक सौ. शिल्पा नाईक, रावे प्रोग्राम ऑफिसर डॉ. प्रविण झगडे, उप कृषि अधिकारी श्री. म्हस्के, श्री. उदय जोशी यांची उपस्थिती लाभली.
रानमाया रानभाजी प्रदर्शनाचे उद्घाटन सौ. श्रेया मांडवीलकर यांच्या हस्ते करण्यात आले. या कार्यक्रमात विविध 38 रानभाज्यांचे माहितीफलकासह प्रत्यक्षदर्शी नमुन्याचे सादरीकरण करण्यात आले होते. महिलांनी विविध रानभाज्यांपासून तयार केलेल्या पौष्टिक व चविष्ट पदार्थांची पाककृती स्पर्धेत सादरीकरण केले. 50 हून अधिक महिलांनी यात सहभाग घेतला होता. स्पर्धेचे परीक्षक म्हणून डॉ. शिल्पा नाईक यांनी जबाबदारी पार पाडली. त्यांनी चव, पोषणमूल्य, सादरीकरण आणि नाविण्यता या निकषांवरून मूल्यांकन केले.
कार्यक्रमाची सुरुवात मान्यवरांच्या हस्ते सरस्वती पूजन व दीपप्रज्वलनाने करण्यात आली. कार्यक्रमास उपस्थित असलेल्या मान्यवरांचे स्वागत रावेच्या विद्यार्थिनींनी रानफुलांपासून बनवलेले पुष्पगुच्छ देऊन केले. कार्यक्रमाची प्रस्तावना डॉ.प्रविण झगडे यांनी केली. कार्यक्रमादरम्यान डॉ. महाडिक, सौ. शिल्पा नाईक , डॉ .पेठे , डॉ. काळे, डॉ. देसाई यांनीही आपले विचार मांडले. त्यांनी श्रावण महिन्यात कोवळ्या रानभाज्यांचे पोषणमूल्य आणि आरोग्यदायी गुणधर्म स्पष्ट करत या भाजींपासून होणाऱ्या फायद्यांची माहिती दिली. त्यानंतर पाककृती स्पर्धेतील विजेत्या स्पर्धकांचा निकाल घोषित केला.
स्पर्धेच्या निकालांमध्ये पुढील महिलांनी क्रमांक पटकावले :– प्रथम क्रमांक – सौ. आरती कोठारे, द्वितीय क्रमांक – सौ. सुप्रिया परांजपे तृतीय क्रमांक – सौ. दीप्ती मिसाळ आणि उत्तेजनार्थ – कु. सानिका वर्तक यांना देण्यात आला. विजेत्यांना आकर्षक बक्षीस देऊन गौरवण्यात आले.
शेवटी अध्यक्ष असलेल्या मा. सरपंच सौ. श्रेया मांडवीलकर यांचे समारोप भाषण झाले. त्यांनी RAWE कार्यक्रमातील विद्यार्थ्यिनीचे कौतुक करत गावात राबवलेल्या उपक्रमांची प्रशंसा केली. कार्यक्रमाचा समारोप आभारप्रदर्शनाने झाला. हा कार्यक्रम समृद्ध खाद्यपरंपरा, आरोग्य, पर्यावरण आणि महिला सशक्तीकरणाचा सुंदर संगम ठरला. सदर कार्यक्रम सहयोगीअधिष्ठाता डॉ. एल. आर कुणकेरकर, कार्यक्रम अधिकारी डॉ. प्रविण झगडे, कार्यक्रम समन्वयक डॉ. आनंद मयेकर, रावे प्रमुख डॉ. विजय देसाई आणि विषय विशेषज्ञ डॉ. महेश कुलकर्णी यांच्या मार्गदर्शनाखाली पार पडला.
