(मुंबई)
महाराष्ट्र राज्य मराठी चित्रपट पुरस्कारांचा हिरक महोत्सवी सोहळा मंगळवार, ५ ऑगस्ट रोजी सायंकाळी ६:३० वाजता वरळी येथील एनएससीआय डोम येथे मोठ्या दिमाखात पार पडला. या भव्य कार्यक्रमात ६०वे आणि ६१वे महाराष्ट्र राज्य मराठी चित्रपट पुरस्कार प्रदान करण्यात आले. कार्यक्रमास मुख्यमंत्री देवेंद्र फडणवीस, उपमुख्यमंत्री अजित पवार, सांस्कृतिक कार्यमंत्री आशिष शेलार आणि पालकमंत्री मंगलप्रभात लोढा यांच्यासह अनेक दिग्गज उपस्थित होते.
मराठी चित्रपटसृष्टी, रंगभूमी आणि कलावंत हे महाराष्ट्राचे वैभव असून दादासाहेब फाळके यांच्या “राजा हरिश्चंद्र” चित्रपटाच्या रुपाने रुजलेलं हे बीज आज वटवृक्ष बनलं आहे, असे प्रतिपादन मुख्यमंत्री देवेंद्र फडणवीस यांनी केलं.
सांस्कृतिक कार्य विभागाच्या महाराष्ट्र चित्रपट, रंगभूमी आणि सांस्कृतिक विकास महामंडळ मर्यादित आणि सांस्कृतिक कार्य संचालनालय आयोजित गानसम्राज्ञी लता मंगेशकर पुरस्कार २०२५ व चित्रपती कै. व्ही. शांताराम तसेच स्व. राज कपूर जीवनगौरव आणि विशेष योगदान पुरस्कार छत्रपती शिवाजी महाराज महावारसा पुरस्कार २०२५ तसेच ६० आणि ६१ वा महाराष्ट्र राज्य मराठी चित्रपट पुरस्कार प्रदान सोहळा वरळी येथे एसव्हीपी स्टेडियम, डोम येथे झाला, त्यावेळी ते बोलत होते.
विशेष पुरस्कार विजेते
- राज कपूर विशेष योगदान पुरस्कार – अभिनेत्री काजोल
- राज कपूर जीवनगौरव पुरस्कार – अभिनेते अनुपम खेर
- व्ही. शांताराम विशेष योगदान पुरस्कार – अभिनेत्री मुक्ता बर्वे
- व्ही. शांताराम जीवनगौरव पुरस्कार – दिग्दर्शक-अभिनेते महेश मांजरेकर
- गानसम्राज्ञी लता मंगेशकर पुरस्कार – गझलकार पं. भीमराव पांचाळे
६०वा महाराष्ट्र राज्य मराठी चित्रपट पुरस्कार (वर्ष: २०२२)
- सर्वोत्कृष्ट चित्रपट – धर्मवीर
- सर्वोत्कृष्ट दिग्दर्शक – प्रवीण तरडे (धर्मवीर)
- सर्वोत्कृष्ट अभिनेता – प्रसाद ओक (धर्मवीर)
- सर्वोत्कृष्ट अभिनेत्री (विभागून) –
- अमृता खानविलकर (चंद्रमुखी)
- सई ताम्हणकर (पाँडिचेरी)
- सहायक अभिनेता – योगेश सोमण (अनन्या)
- सहायक अभिनेत्री – मृण्मयी देशपांडे (चंद्रमुखी)
- विनोदी अभिनेता – संजय नार्वेकर (टाईमपास ३)
- प्रथम पदार्पण अभिनेता – जयदीप कोडोलीकर (या गोष्टीला नावच नाही)
- प्रथम पदार्पण अभिनेत्री – ऋता दुर्गुळे (अनन्या)
- अंतिम फेरीतील दिग्दर्शक – ऋषी देशपांडे (समायरा)
- अंतिम फेरीतील चित्रपट – समायरा
- प्रथम पदार्पण दिग्दर्शक – प्रताप फळ (अनन्या)
- प्रथम चित्रपट निर्मिती – झेनिथ फिल्म्स (आतुर)
- उत्कृष्ट गीत – “ढगा आड या” – अभिषेक खणकर
- पार्श्वसंगीत – हनी सातमकर (आतुर)
- पार्श्वगायक – मनीष राजगिरे – “भेटला विठ्ठल” (धर्मवीर)
- पार्श्वगायिका (विभागून) –
- आर्या आंबेकर – “बाई गं” (चंद्रमुखी)
- अमिता घुगली – “तुला काय सांगू कैना”
- नृत्यदिग्दर्शन – उमेश जाधव – “आई जगदंबे” (धर्मवीर)
- संगीत दिग्दर्शक – निहार शेंबेकर
- बालकलाकार (विभागून) –
- त्रिशा ठोसर (नाळ २)
- कबीर खंदारे (जिप्सी)
- तृतीय क्रमांक दिग्दर्शक – अभिजीत देशपांडे (हर हर महादेव)
- तृतीय क्रमांक चित्रपट – हर हर महादेव
- द्वितीय क्रमांक दिग्दर्शक – सचिन कुंडलकर (पाँडिचेरी)
- द्वितीय क्रमांक चित्रपट – पाँडिचेरी
६१वा महाराष्ट्र राज्य मराठी चित्रपट पुरस्कार (वर्ष: २०२३)
- सर्वोत्कृष्ट चित्रपट – भेरा
- सर्वोत्कृष्ट दिग्दर्शक – श्रीकांत प्रभाकर (भेरा)
- सर्वोत्कृष्ट अभिनेता – अमेय वाघ (जग्गू आणि ज्युलिएट)
- सर्वोत्कृष्ट अभिनेत्री – रिंकु राजगुरु (आशा)
- अंतिम फेरीतील दिग्दर्शक – दीपक पाटील (आशा)
- अंतिम फेरीतील चित्रपट – आशा
- प्रथम पदार्पण दिग्दर्शक – आशिष बेंडे (आत्मपॅम्फ्लेट)
- प्रथम चित्रपट निर्मिती – बोलपट निर्मिती (जिप्सी)
- प्रथम पदार्पण अभिनेता – दीपक जोईल (भेरा)
- प्रथम पदार्पण अभिनेत्री (विभागून) –
- श्रद्धा खानोलकर (भेरा)
- गौरी देशपांडे (श्यामची आई)
- उत्कृष्ट गीत – वैभव देशमुख – “भिंगोरी” (नाळ २)
- पार्श्वसंगीत – अद्वैत नेमळेकर (नाळ २)
- पार्श्वगायक – मोहित चौहान (घर बंदूक बिर्याणी)
- पार्श्वगायिका – रुचा बोंद्रे – “भरजरी गं पीतांबर” (श्यामची आई)
- नृत्यदिग्दर्शन – राहुल ठोंबरे व संजीव हाउलदर (जग्गू आणि ज्युलिएट)
- संगीत दिग्दर्शक – अजय-अतुल (महाराष्ट्र शाहीर)
- सहायक अभिनेता – संतोष जुवेकर (रावरंभा)
- सहायक अभिनेत्री – उषा नाईक (आशा)
- विनोदी अभिनेता – उपेंद्र लिमये (जग्गू आणि ज्युलिएट)
- विनोदी अभिनेत्री – निर्मिती सावंत (झिम्मा २)
- अंतिम फेरीतील दिग्दर्शक व चित्रपट – सुधाकर रेड्डी यक्कंडे (नाळ २)
- तृतीय क्रमांक चित्रपट – नाळ २
- द्वितीय क्रमांक दिग्दर्शक – महेश लिमये (जग्गू आणि ज्युलिएट)
- द्वितीय क्रमांक चित्रपट – जग्गू आणि ज्युलिएट
