( दापोली )
दापोली तालुक्यात पुन्हा एकदा खळबळजनक घटना घडली असून, उन्हवरे येथील बौद्धवाडी परिसरात एका भावाने आपल्या सख्ख्या भावाचा खून केल्याची धक्कादायक बाब समोर आली आहे.
या हल्ल्यात विनोद गणपत तांबे (वय 36, रा. उन्हवरे, बौद्धवाडी) यांचा मृत्यू झाला आहे. ही घटना शनिवारी मध्यरात्री घडल्याचे सांगितले जात आहे.
याबाबत अधिक माहिती अशी की, काल भावकी सोबत बैठक झाली. बैठकीत ज्याचा खून झाला त्या विनोदने रवींद्र याला काही अपशब्द बोलले होते. त्याचाच राग मनात धरून रात्री पुन्हा वाद झाला आणि याच वादातून हा खून झाल्याची माहिती समोर आली आहे. चिपळूण विभागाचे उपविभागीय अधिकारी राजेंद्र राजमाने पोलीस निरीक्षक महेश तोरस्कर यांनी तात्काळ घटनास्थळी भेट देऊन पुढील तपास सुरू केला आहे.
या प्रकरणी संशयित रवींद्र याला ताब्यात घेण्यात आले असून खुनाचा गुन्हा दाखल करण्यात आला आहे. फॉरेन्सिक टीमला घटनास्थळी पाचारण करण्यात आला आहे. जिल्हा पोलीस अधीक्षक नितीन बगाटे, अप्पर जिल्हा पोलीस अधीक्षक बाबुराव महामुनी यांच्या मार्गदर्शनानुसार तपास सुरू आहे.
