(कोल्हापूर)
कोल्हापुरातील इतिहास अभ्यासक इंद्रजित सावंत यांना धमकी दिल्याप्रकरणी आणि छत्रपती शिवाजी महाराज आणि छत्रपती संभाजी महाराज यांच्याबद्दल अवमानकारक विधान केल्याप्रकरणी प्रशांत कोरटकरला अटक केली आहे. प्रशांत कोरटकर याची तीन दिवसांची पोलिस कोठडी आज संपली आहे. त्याला आज पुन्हा कोल्हापूर कोर्टात हजर करण्यात आले. कोरटकरला न्यायालयाने झटका देत आणखी दोन दिवसांची पोलीस कोठडी सुनावण्यात आली आहे.
प्रशांत कोरटकर याने महापुरुषांचा अपमान करणारे वक्तव्य केले होते, त्यासोबतच इतिहास संशोधक इंद्रजित सावंत यांना जीवे मारण्याची धमकी देखील दिली होती. त्याने फोन करुन धमकी दिली होती. तो फोन त्याच्या पत्नीने आधीच कोल्हापूर पोलिसांकडे जमा केला आहे. मात्र मोबाईल फोन पोलिसांत जमा करण्यापूर्वी त्यामधील संपूर्ण डेटा डिलिट करण्यात आला. तो परत मिळवण्यासाठी प्रशांत कोरटकरची मदत आवश्यक आहे, असा युक्तिवाद कोर्टात करण्यात आला. त्यामुळे त्याची कोठडी वाढवून मिळण्याची मागणी करण्यात आली, त्यानंतर कोर्टाने दोन दिवसांची कोठडी वाढवून दिली आहे.
इतिहास अभ्यासक इंद्रजीत सावंत यांना धमकी दिल्याप्रकरणी आणि छत्रपती शिवाजी महाराज यांच्यावर वादग्रस्त वक्तव्य करणाऱ्या प्रशांत कोरटकर याच्यावर कोल्हापूर न्यायालयात हल्ल्याचा प्रयत्न झाला. त्याच्या पोलीस कोठडीत आज (दि.२८) आणखी दोन दिवसांची वाढ करण्यात आली आहे. दरम्यान, कोल्हापूर जिल्हा सत्र न्यायालयातून बाहेर पडताना कोरटकर याच्यावर एका वकिलाने झडप घालत हल्ला करण्याचा प्रयत्न केला.
न्यायालयीन परिसरातू प्रशांत कोरटकरला पोलीस बंदोबस्तात नेत असताना मारहाण केल्याची घटना घडली आहे. या घटनेचा व्हिडिओ समोर आला असून पोलिसांनी वेळीच वकिलांना आवरल्याने मोठा अनर्थ टळला. कोर्टामध्ये युक्तिवाद पूर्ण झाल्यानंतर वकील अमित कुमार भोसले आले. ते या ठिकाणी कोर्टामध्येच आले होते आणि त्यांनी प्रशांत कोरटकरवर हल्ला करण्याचा प्रयत्न केला. ये पश्या… म्हणत ते कोरटकरच्या दिशेने धावले असता पोलिसांनी तात्काळ त्यांना धरुन बाजुला केले.
छत्रपती शिवाजी महाराज यांच्यावर वादग्रस्त वक्तव्य करून प्रशांत कोरटकर फरार झाला होता. अनेक दिवस परागंधा राहिल्यानंतर अखेर तेलंगणातून पोलिसांनी त्याला अटक केली. बुधवारी सुनावणीवेळी प्रशांत कोरटकर याच्यावर हल्ल्याचा प्रयत्न झाला होता. शुक्रवारीच्या सुनावणीत त्याच्या पोलीस कोठडीत दोन दिवसांची वाढ करण्यात आली. सुनावणी संपवून त्याला कोठडीकडे नेत असताना गाडीत बसवण्याआधीच त्याच्यावर हल्ला करण्याचा प्रयत्न झाला.
कोर्टाने कोठडी सुनावल्यानंतर त्याला पोलीस कोठडीत नेले जात होते. त्याचवेळी कोर्टात वकिलाने प्रशांत कोरटकरला पायताणाने मारण्याचा प्रयत्न केला. प्रशांत कोरटकरवर हल्ला झाल्यानंतर कोर्टाबाहेर एकच धावाधाव झाली. वकिलाने हल्ला केल्यानंतर पोलिसांनी तातडीने कोरटकरला घेरले. तर पोलिसांनी हल्ला करणाऱ्या वकिलाला ताब्यात घेतले.कोर्टासमोर इंद्रजीत सावंत यांचे वकील असीम सरोदे आणि कोरटकरचे वकील सौरभ घाग यांच्यात कोर्टासमोर तू तू मैं मैं झाली. दोघांनी एकमेकांना शांत बसा असा दम भरला. प्रशांत कोरकटरवर भाष्य करताना असीम सरोदे म्हणाले, ‘कोरटकर हा खोटारडा आहे. तो पुरावे नष्ट करणारा आहे. प्रशांत कोरटकरला सोडून चालणार नाही’.
