(साखरपा / भरत माने)
साखरपा नजीक असणारया पुर्ये गावामध्ये पुर्ये प्रीमियर लीग पर्व 2 क्रिकेट स्पर्धा 18 जानेवारी ते 20 जानेवारी या कालावधीत पार पडणार आहे. पुर्ये गावातील स्थानिक खेळाडूंना खेळण्यासाठी प्रोत्साहन मिळावे या हेतूने मागील वर्षांपासून गावातील सर्व युवकांनी एकत्र येत या स्पर्धेचे आयोजन सुरु केले आहे. या स्पर्धेत गत विजेता संघ -रायझिंग स्टार पूर्ये आणि उपविजेता संघ गंगादेवी वॉरियर्स खेळताना पुन्हा पहायला मिळतील.
या स्पर्धेत गंगादेवी वॉरियर्स,रायझिंग स्टार,RSPR पवार वॉरियर्स,मोरे वॉरियर्स, देवा ऑटो 11,शिंदे चॅलेंजर्स, ब्रदर्स 11,पुर्ये पँथर्स या 8 टीम मधुन पुर्ये प्रीमियर लीग पर्व 2 च्या विजेतेपदाचा मानकरी ठरणार आहे.”आई गंगादेवी क्रिकेट संघ मुंबई आणि ग्रामीण” आयोजित पुर्ये प्रीमियर पर्व 2 ही स्पर्धा येत्या 18 आणि 19 जानेवारी 2025 या दिवशी पुर्ये ग्रामपंचायत जवळ असलेल्या घोडेकरी मैदानावर पार पडणार आहे.
ही स्पर्धा कला,क्रीडा,सामाजिक, शैक्षणिक दृष्टिकोनातून गावातील मुलांना क्रिकेट चा प्लॅटफॉर्म, तसेच मुलांमध्ये एकोपा निर्माण व्हावा,तसेच स्पर्धेतून होणाऱ्या नफ्यामधून कला, क्रीडा, शैक्षणिक, सामाजिक कार्य पार पडावे या हेतूने ही स्पर्धा घेण्यात येणार आहे.
पुर्ये प्रीमियर लीग 2025 साठी असणारी पारितोषिके-
प्रथम क्रमांक -21025/- आणि आकर्षक चषक
द्वितीय क्रमांक -15025/-आणि आकर्षक चषक
तृतीय क्रमांक -5025/-आणि आकर्षक चषक
शिस्तबध्द संघ – आकर्षक चषक
स्पर्धेमधील प्रत्येक मॅच साठी सामनावीर( चषक )
स्पर्धेतील उत्कृष्ट फलंदाज, गोलंदाज, क्षेत्ररक्षक (चषक ) ही पारितोषिके ठेवण्यात आलेली आहेत.
या स्पर्धेसाठी “आई गंगादेवी क्रिकेट संघ मुंबई व ग्रामीण” मधील सर्व खेळाडू, कमिटी व्यवस्थापन, गावातील होतकरू मंडळी आणि देणगीदार ही स्पर्धा पार पाडण्यासाठी अथक परिश्रम घेत आहेत व या स्पर्धेचा आनंद लुटण्यासाठी क्रीडाप्रेमिनी उपस्थित राहावे असे आवाहन आयोजकांच्या वतीने करण्यात आले आहे.
