( रत्नागिरी )
गडकिल्ले संवर्धन प्रतिष्ठान, रत्नागिरी जिल्हा यांच्यावतीने रत्नदुर्ग किल्ल्यावर दिपोत्सव साजरा करण्यात आला. यावेळी शेकडो दिव्यांनी रत्नदुर्ग किल्ला उजळून निघाला होता. २ नोव्हेंबर रोजी दीपोत्सव सोहळा रत्नागिरी विभाग जिल्हा अध्यक्ष दिपेश वारंग, रत्नागिरी महिलाध्यक्षा मानसी चव्हाण, संपर्कप्रमुख तन्मय जाधव व पालवी रसाळ यांच्या मार्गदर्शनाखाली दिमाखात पार पडला.
पहिला दिवा शिवरायांच्या चरणी अर्पण करण्यात आला. शिवरायांच्या गडांवर दिवा लावून त्याग, पराक्रम आणि स्वाभिमानाची ज्योत उजळविण्याचा संकल्प यावेळी करण्यात आला. शेकडो लोकांच्या उपस्थितीत, ५०० दिवे लावून सदर दिपोत्सव सोहळा साजरा करण्यात आला. दीपोत्सवाला लायन्स क्लब, रत्नागिरी व शिव प्रतिष्ठान रत्नागिरी यांनी विशेष सहभाग नोंदविला. कार्यक्रमाला लायन्स क्लब रत्नागिरीचे जिल्हाध्यक्ष गणेश धुरी यांची उपस्थिती होती
