(रत्नागिरी)
जिल्ह्यातील चिपळूण पोलीस ठाण्याच्या गुन्हे प्रकटीकरण शाखेने केलेल्या धडक कारवाईत खेर्डी शिगवणवाडी येथून एक इसम गांजासह अटक करण्यात आला आहे. रुकनुद्दीन इब्राहीम बंदरकर (वय ६५) असे अटक करण्यात आलेल्या इसमाचे नाव आहे.
पोलीस उपनिरीक्षक हर्षद हिंगे यांना मिळालेल्या गोपनीय माहितीनुसार सदर इसम गांजा विक्रीसाठी घेऊन येणार असल्याचे समजले. त्यानुसार पोलिसांचे पथक रवाना होऊन मुस्लिम मोहल्ल्यातील एका घरासमोर संशयास्पद हालचाल करणाऱ्या इसमास ताब्यात घेतले. तपासणी दरम्यान त्याच्याकडे ३२७ ग्रॅम गांजा आढळून आला, ज्याची बाजारमूल्ये सुमारे १९,६२०/- इतकी आहे. या प्रकरणी चिपळूण पोलीस ठाण्यात गुन्हा क्रमांक १३३/२०२५ अन्वये अंमली पदार्थ प्रतिबंधक कायदा १९८५ च्या कलम ८(क), २०(ब)(ii)(अ) अंतर्गत गुन्हा नोंदवण्यात आला आहे.
ही कारवाई जिल्हा पोलीस अधीक्षक श्री. नितीन बगाटे, अपर पोलीस अधीक्षक श्रीमती जयश्री गायकवाड आणि उपविभागीय पोलीस अधिकारी श्री. राजेंद्र राजमाने यांच्या मार्गदर्शनाखाली करण्यात आली. या कारवाईत पो.नि. फुलचंद मेंगडे यांच्या नेतृत्वाखाली पीएसआय हर्षद हिंगे, पो.हवा. वृषाल शेटकर, संदीप मानके, पो.ना. रोशन पवार, पो.शी. कृष्णा दराडे व प्रमोद कदम सहभागी होते.
