पतीचे दुसऱ्या महिलेशी संबंध असल्याने अभियंता पत्नीने संपवले जीवन

पोलीस ठाण्यात दाखल तक्रारीनुसार, सचिन मोरे याचे एका महिलेचे अनैतिक संबंध असल्याची माहिती प्रज्ञा मोरे यांना तीन वर्षापूर्वी म्हणजे डिसेंबर २०१९ मध्ये मिळाली होती. त्या महिलेशी संबंध ठेऊ नका, असे प्रज्ञा यांनी पतीला वेळोवेळी सांगितले होते. मात्र सचिन त्या महिलेच्या संपर्कात होता. त्या महिलेला आपण सोडू शकत नाही. तुला काय करायचे ते कर, तू जीव दे नाहीतर काही कर असे म्हणत ते पत्नीशी नेहमी वाद घालत होते.

अनैतिक संबंध असलेली महिलाही प्रज्ञा यांना संपर्क करुन मानसिक त्रास देत होती. या त्रासाला कंटाळून प्रज्ञा यांनी उंदीर मारण्याचे औषध पिऊन राहत्या घरात आत्महत्या केली, असे तक्रारीत म्हटले आहे.