(गणपतीपुळे / वैभव पवार)
महाराष्ट्र राज्य जिल्हा परिषद आरोग्य सेवा कर्मचारी संघटना तालुका शाखा रत्नागिरीची सभा जिल्हाध्यक्ष डॉ परशुराम निवेंडकर यांचे अध्यक्षतेखाली रत्नागिरी मारुतीमंदिर येथील हॉटेल विवा एक्सिक्युटीव्ह येथे घेणेत आली. सदर सभेमध्ये नवीन कार्यकारणी निवड करण्यात आली.
यावेळी तालुकाअध्यक्षपदी कमलेश लाकडे, उपाध्यक्षपदी निलेश पिलणकर, चेतन शेट्ये, सचिव पदी महादेव आखाडे, सहसचिव शिवराज शेट्ये, सल्लागार दत्तात्रय गोताड, मोहन तांबे कोषाध्यक्ष संजय कळंबटे, तालुका संघटकपदी कोतवडे नितीन सुर्वे, वाटद संदेश मोरे, मालगुंड विक्रम जाधव, पावस बापूसाहेब दराडे, हातखंबा समीर अलीम, खानू विजय पवार यांची सर्वानुमते निवड करण्यात आली.
या सभेचे प्रास्ताविक माजी तालुका अध्यक्ष दत्तात्रय गोताड यांनी केले. या सभेला जिल्हा सहसचिव विवेक गावडे जिल्हा मार्गदर्शक गजानन साळुंखे तसेच तालुक्यातील आरोग्य कर्मचारी उपस्थित होते. शेवटी जिल्हा सचिव विवेक गावडे यांनी नूतन तालुका अध्यक्ष व तालुका कार्यकारणीला शुभेच्छा देऊन उपस्थितांचे आभार मानले.
