(नाणीज / वार्ताहर)
मुंबई – गोवा महामार्गावर खेड भरणे येथे रस्त्याच्या विभाजकावर दुचाकी आदळून तरुण गंभीर जखमी झाला. आज दुपारी २ वाजता गणपती कृपा हॉटेल समोर हा अपघात झाला.
खेडमधील जाफर मुल्ला (वय ३२) हा तरूण खेडवरून चिपळूणच्या दिशेने दुचाकीवरून चालला होता. दुचाकींचा क्रमांक एमएच ०८-एटी ०५६३ असा आहे. दुचाकी चालवताना त्याला रस्ता विभाजकाचा अंदाज आला नाही. त्याला धडकल्याने तो गंभीर जखमी झाला. त्याला जगद्गुरू नरेंद्राचार्य महाराज संस्थानच्या भरणे नाका पुलाखाली असलेल्या रुग्णवाहिकेतून भरणे येथील खासगी रुग्णालयात दाखल केले आहे. श्री जगद्गुरु नरेंद्रचार्य महाराज संस्थानची ही रुग्णवाहिका सेवा पूर्णपणे मोफत आहे. ही सेवा २४ तास सुरू असते.
फोटो : खेड भरणे येथे रविवारी झालेल्या अपघातातील तरुणाला संस्थानच्या रुग्णवाहिकेतून नेताना दिसत आहेत.
