(रत्नागिरी / वैभव पवार)
संगमेश्वर तालुक्यातील नांदळज गावचा सुपुत्र आणि सुखाई नांदळज संघाचा खेळाडू यश संदीप डोंगरे याची पुणे बाणेर येथे सुरू असलेल्या राज्य अंजिक्यपद पुरूष गट कबड्डी निवड चाचणी स्पर्धेसाठी मुंबई उपनगर जिल्हा संघात निवड झाली आहे. पुणे बाणेर येथे दि. १३ ते १६ जुलै या कालावधीत सुरू असलेल्या राज्य अंजिक्यपद पुरुष गट निवड चाचणी कबड्डी स्पर्धेत यश हा सध्या मुंबई उपनगर जिल्हा संघातून खेळत आहे.
नांदळज गावचा सुपुत्र यश हा सुखाई नांदळज संघाचा एक होतकरू, गुणवान व अष्टपैलू खेळाडू म्हणून ओळखला जातो. तालुका आणि जिल्हा पातळीवर त्यांना चमकदार कामगिरी करून आपले नाव त्याने उंचावले आहे. त्यानंतर त्याच्या कामगिरीची दखल घेऊन राज्य अंजिक्यपद पुरुष गट निवड चाचणी कबड्डी स्पर्धेसाठी मुंबई उपनगर जिल्हा संघात निवड करण्यात आली आहे. या निवडीबद्दल यश डोंगरे याचे श्री सुखाई क्रीडा मंडळ नांदळज व सर्व ग्रामस्थ यांचे वतीने विशेष अभिनंदन व कौतुक करण्यात आले आहे.
