जिल्हा फोटोग्राफर असोसिएशन तर्फे यंदा राजापूर येथे जागतिक छायाचित्र दिन होणार साजरा 

(रत्नागिरी)

रत्नागिरी जिल्हा फोटोग्राफर व्हिडिओग्राफर असोसिएशनच्या वतीने दरवर्षी 17 ऑगस्ट रोजी होणारा रत्नागिरी जिल्ह्याचा जागतिक छायाचित्रण दिनानिमित्त फोटोग्राफर मेळावा तसेच फोटो फेअर इत्यादी कार्यक्रम यावर्षी राजापूर तालुका असोसिएशनच्या सहकार्याने रत्नागिरी जिल्ह्यातील राजापूर शहरातील डॉ.बाबासाहेब आंबेडकर भवन येथे मोठ्या दिमाखात संपन्न होणार आहे.

या कार्यक्रमाला प्रमुख पाहुणे व उद्घाटक म्हणून सिंधूरत्न समृद्ध योजनेचे सदस्य शिवसेनेचे नेते किरण उर्फ भैया सामंत उपस्थित असणार आहेत. तसेच यावेळी माजी आमदार ॲड.हुस्नबानू खलीफे तसेच राजापूरचे पोलीस निरीक्षक राजाराम चव्हाण, मुंबई हायकोर्टाचे ॲड.मा. राकेश भाटकर, राजापूर तालुका व्यापारी संघाचे अध्यक्ष संदिप मालपेकर, राजापूर अर्बन बॅंक अध्यक्ष सौ.अनामिका जाधव, राजापूर लांजाचे क्षेत्र प्रमुख सुनील उर्फ राजू कुरूप, शिवसेनेचे उपजिल्हाप्रमुख अश्फाक हाजू, राजापूर तालुका बौद्धजन संघाचे तालुका अध्यक्ष महादेव गोठणकर इत्यादी मान्यवर उपस्थित राहणार आहेत.

सकाळी नऊ वाजता या कार्यक्रमाचा शुभारंभ होणारा असून सायंकाळी सहा वाजेपर्यंत हा कार्यक्रम होणार आहे. या कार्यक्रमातील फोटो फेअर मध्ये महाराष्ट्रातील तसेच ईतर राज्यातील फोटोग्राफी क्षेत्रातील विविध ब्रँड कंपनी आपले स्टॉल्स लावणार आहेत. त्यात प्रामुख्याने फोटो अल्बम, फोटो प्रिंट व्हरायटी, विविध कंपनीचे कॅमेरे, लेंसेस, प्रिंटर्स, फोटो आणि व्हिडिओची सॉफ्टवेअर, लाईट,विविध प्रकारचे फोटो फ्रेम्स, फोटोग्राफी क्षेत्रातील विविध उपकरणे व साहित्य असणार आहेत. डाटा रिकव्हर साठी खास स्टॉल आहे. कॅमेरा लेन्स मोफत सर्व्हिसिंग कॅम्प देखील या ठिकाणी असणार आहे. शिवाय येणारे फोटोग्राफरची मोफत आरोग्य तपासणी देखील या ठिकाणी होणार आहे. फोटोग्राफर साठी राबवलेले विविध उपक्रम तसेच शासनाच्या विविध योजना यांची माहिती दिली जाणार आहे

विशेष म्हणजे महाराष्ट्रातील फोटोशॉप चे एक्सपर्ट मा. प्रवीण बनसोडे सर यांचे वेडिंग अल्बम व पोस्टर डिझाईनिंग तसेच फोटोशॉप ए आय टेक्नॉलॉजी यावर प्रॅक्टिकल वर्कशॉप चे देखील आयोजन या ठिकाणी केले आहे. यासाठी एलईडी वॉल ची आयोजकांनी व्यवस्था खास केलेली आहे. बनसोडे सर यांचा पीएसडी बॅकग्राऊंड यासाठी देखील खास स्टॉल उपलब्ध असणार आहे. या स्टॉलसह इतर सर्व स्टॉलवर या दिवशी विशेष सवलत व डिस्काउंट ऑफर ठेवण्यात आलेले आहेत.

या वर्कशॉप चे उद्घाटन शिवसेनेचे राजापूर लांजा साखरपा मतदार संघाचे आमदार मा. डॉ.राजन साळवी साहेब यांच्या हस्ते होणार आहे. येणाऱ्या फोटोग्राफर्सना लकी ड्रॉ मार्फत हजारो रुपयांच्या बक्षीसांची लय लूट येथे करता येणार आहे. राजापूर मध्ये होत असलेल्या या कार्यक्रमाला रत्नागिरी जिल्ह्यासह सिंधुदुर्ग जिल्हा तसेच कोल्हापूर, कराड ,रायगड व गोवा राज्यातूनही फोटोग्राफर मोठ्या संख्येने उपस्थित राहणार आहेत. या कार्यक्रमासाठी दोनशे रुपये इतकी नाम मात्र प्रवेश फी असून यामध्ये येणाऱ्या सर्व फोटोग्राफर बंधूंची भोजनाची व्यवस्था करण्यात‌ आली आहे.तरी फोटोग्राफी व्यवसाय करणाऱ्या सर्व फोटोग्राफर बंधूंना आवाहन करण्यात येते की आपणही या फोटो फेअरचा लाभ घ्यावा. तसेच जागतिक छायाचित्रण दिनाच्या कार्यक्रमात सहभागी होऊन या वर्षीचा कार्यक्रम देखील नेहमीप्रमाणे यशस्वी करावा. अधिक माहितीसाठी रत्नागिरी जिल्हा फोटोग्राफर असोसिएशन तसेच राजापूर तालुका फोटोग्राफर असोसिएशनचे अध्यक्ष राजेश खांबल राजापूर 9270738341, संदेश टिळेकर राजापूर 9370769436 यांचेशी संपर्क साधावा असे आयोजकांच्या वतीने कळविण्यात आले आहे.